ನುಡಿ–ಕಿಡಿ | ನಾನಾ ಪಟೋಲೆ vs ಕಿರೀಟ್‌ ಸೋಮಯ್ಯ

ನಿಮ್ಮನ್ನು ನಾಯಿಗಳು ಎಂದು ಕರೆಯುವ ಬಿಜೆಪಿಗೆ ಮತ ನೀಡುತ್ತೀರಾ ಎಂದು ಅಕೋಲಾ ಜಿಲ್ಲೆಯ ಒಬಿಸಿ ಜನರಲ್ಲಿ ಕೇಳಬಯಸುತ್ತೇನೆ. ಬಿಜೆಪಿಯನ್ನು ನಾಯಿಯಂತೆ ಮಾಡುವ ಸಮಯವೀಗ ಬಂದಿದೆ..

ಶರದ್‌ ಪವಾರ್ ಅವರು ಒಂದು ಹೇಳುತ್ತಾರೆ. ಉದ್ಧವ್‌ ಅವರು ಚುನಾವಣಾ ಆಯೋಗವನ್ನು ನಿಂದಿಸುತ್ತಾರೆ. ಕಾಂಗ್ರೆಸ್‌ ಪಕ್ಷವು ಈಗ ಬಿಜೆಪಿಯನ್ನು ನಾಯಿ ಎನ್ನುತ್ತಿದೆ. ರಾಜ್ಯದಲ್ಲಿ ‘ಮಹಾಯುತಿ’ ಸರ್ಕಾರ ರಚನೆಯಾಗಲಿದೆ ಎಂದು ಹಲವು ಸಮೀಕ್ಷೆಗಳು ಹೇಳುತ್ತಿವೆ. ಈ ಕಾರಣಕ್ಕಾಗಿಯೇ ಈ ರೀತಿ ಹೇಳಿಕೆಗಳನ್ನು ನೀಡಲಾಗುತ್ತಿದೆ.

ಸಮಾನತೆ, ಸಮೃದ್ಧಿ ಸಾಧಿಸಲು ಜನರಿಗೆ ನ್ಯಾಯ ಒದಗಿಸಲು ಐದು ಗ್ಯಾರಂಟಿಗಳನ್ನು ಕರ್ನಾಟಕದ ಜನರ ಮುಂದಿರಿಸಿ ಚುನಾವಣೆ ಎದುರಿಸಿದ್ದೆವು. ಸರ್ಕಾರ ರಚನೆಯಾದ ಬಳಿಕ, ಕಾಂಗ್ರೆಸ್‌ ಸರ್ಕಾರವು ಜನರು ಭರವಸೆ ನೀಡಿದಂತೆ ಐದೂ ಗ್ಯಾರಂಟಿಗಳನ್ನು ಜಾರಿ ಮಾಡಿದೆ. 18 ತಿಂಗಳ ತನ್ನ ಅಧಿಕಾರಾವಧಿಯಲ್ಲಿ ಸರ್ಕಾರವು ಜನರಿಗೆ ಅಭೂತಪೂರ್ವ ಸಮೃದ್ಧಿಯನ್ನೂ ತಂದುಕೊಟ್ಟಿದೆ

ನಿಧಿ ಕೊರತೆಯ ಕಾರಣ, ಕರ್ನಾಟಕದಲ್ಲಿ ಕುಟುಂಬದ ಒಬ್ಬ ಮಹಿಳೆಗೆ ಮಾತ್ರವೇ ತಿಂಗಳಿಗೆ ₹2,000 ನೀಡಲಾಗುತ್ತಿದೆ. ಮಹಿಳೆಯರಿಗೆ ಉಚಿತ ಬಸ್‌ ಪ್ರಯಾಣ ಒದಗಿಸುವ ಗ್ಯಾರಂಟಿಯಿಂದಾಗಿ ರಾಜ್ಯದ ಬೊಕ್ಕಸಕ್ಕೆ ಭಾರಿ ಹೊಡೆತ ಬೀಳುತ್ತಿದೆ. ಈ ಗ್ಯಾರಂಟಿಯಿಂದಾಗಿ ಪ್ರತೀ ತಿಂಗಳು ಸುಮಾರು ₹100 ಕೋಟಿ ನಷ್ಟ ಸಂಭವಿಸುತ್ತಿದೆ. ಎಸ್‌ಸಿ, ಎಸ್‌ಟಿ ಸಮುದಾಯದಕ್ಕಾಗಿಯೇ ಇರಿಸಿದ ಅನುದಾನವನ್ನು ಇತರೆ ಹಣಕಾಸಿನ ಅಗತ್ಯಗಳಿಗಾಗಿ ಖರ್ಚು ಮಾಡಲಾಗುತ್ತಿದೆ. ಕಾಂಗ್ರೆಸ್‌ ಸರ್ಕಾರಗಳಿರುವ ಕರ್ನಾಟಕ ಹಾಗೂ ತೆಲಂಗಾಣದ ಅವಸ್ಥೆಯನ್ನು ನೋಡಿ ಎಚ್ಚರ ವಹಿಸಿ. ಮಹಾರಾಷ್ಟ್ರದಲ್ಲಿ ಶಕ್ತಿಯುತವಾದ ಆರ್ಥಿಕತೆ ಇದೆ.