ವಕ್ಫ್‌ ಕಾಯ್ದೆ : ಸುಪ್ರೀಂನಲ್ಲಿ ಪ್ರಶ್ನಿಸಲು ಮಣಿಪುರ ‘ಕೈ’ ನಿರ್ಧಾರ

ಇಂಫಾಲ್‌: ‘ಕಾಂಗ್ರೆಸ್‌ ಪಕ್ಷದ ಮಣಿಪುರ ಘಟಕವು ವಿವಾದಿತ ವಕ್ಫ್‌ ತಿದ್ದುಪಡಿ ಕಾಯ್ದೆಯನ್ನು ಪ್ರಶ್ನಿಸಿ ಸುಪ್ರೀಂ ಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಸಲಿದೆ’ ಎಂದು ಪಕ್ಷದ ಹಿರಿಯ ನಾಯಕ, ಮಾಜಿ ಮುಖ್ಯಮಂತ್ರಿ ಓಕರಮ್‌ ಇಬೋಬಿ ಸಿಂಗ್‌ ಅವರು ತಿಳಿಸಿದರು.

‘ಕಾಯ್ದೆಯು ಸಂವಿಧಾನವನ್ನು ಉಲ್ಲಂಘಿಸುತ್ತದೆ. ಭಾರತ ಜಾತ್ಯತೀತ ರಾಷ್ಟ್ರ. ಆದರೆ ಎನ್‌ಡಿಎ ಸರ್ಕಾರವು ಮುಸ್ಲಿಮರು ಮತ್ತು ಅಲ್ಪಸಂಖ್ಯಾತರ ವಿರುದ್ಧ ದಾಳಿ ನಡೆಸುತ್ತಿದೆ. ಕಾಯ್ದೆಯ ವಿರುದ್ಧ ಪಕ್ಷದ ರಾಜ್ಯ ಘಟಕವು ಕಾನೂನಾತ್ಮಕ ಹೋರಾಟ ನಡೆಸಲಿದೆ. ಈ ಸಂಬಂಧ ತಂಡವೊಂದು ಬುಧವಾರ ದೆಹಲಿಗೆ ತೆರಳಲಿದೆ’ ಎಂದು ಅವರು ಹೇಳಿದರು.