ಭಾರತ್‌ ಜೋಡೊ ಯಾತ್ರೆಗೆ ಮಹಾರಾಷ್ಟ್ರದಲ್ಲಿ ಶರದ್‌ ಪವಾರ್ ಸ್ವಾಗತ?

ನವದೆಹಲಿ (ಪಿಟಿಐ): ‘ಭಾರತ್‌ ಜೋಡೊ ಯಾತ್ರೆಯು ಮುಂದಿನ ತಿಂಗಳು ಮಹಾರಾಷ್ಟ್ರ ಪ್ರವೇಶಿಸುವಾಗ ಎನ್‌ಸಿಪಿ ಮುಖ್ಯಸ್ಥ ಶರದ್‌ ಪವಾರ್‌ ಮತ್ತು ಅವರ ಮಗಳು ಸುಪ್ರಿಯಾ ಸುಳೆ ಅವರು ಯಾತ್ರೆಗೆ ಸ್ವಾಗತ ಕೋರುವ ಸಾಧ್ಯತೆ ಇದೆ’ ಎಂದು ಕಾಂಗ್ರೆಸ್‌ ಮೂಲಗಳು ತಿಳಿಸಿವೆ.

‘ಯಾತ್ರೆಯು ನವೆಂಬರ್‌ 9ರಂದು ಮಹಾರಾಷ್ಟ್ರ ಪ್ರವೇಶಿಸಲಿದ್ದು, ಯಾತ್ರೆಗೆ ಸ್ವಾಗತ ಕೋರಲು ಶರದ್‌ ಪವಾರ್‌ ಮತ್ತು ಸುಪ್ರಿಯಾ ಸುಳೆ ಆಸಕ್ತಿ ತೋರಿದ್ದಾರೆ. ಇದೇ 18ರಿಂದ 21ರವರೆಗೆ ಆಂಧ್ರಪ್ರದೇಶದಲ್ಲಿ ಯಾತ್ರೆ ನಡೆಯಲಿದ್ದು, ಬಳಿಕ ರಾಯಚೂರು‍ಪ್ರವೇಶಿಸಲಿದೆ. ಇದೇ 26ರಂದು ತೆಲಂಗಾಣಕ್ಕೆ ಕಾಲಿಡಲಿದೆ’ ಎಂದು ಹಿರಿಯ ನಾಯಕರೊಬ್ಬರು ಹೇಳಿದ್ದಾರೆ.