ಪಾಕ್‌ ದಾಳಿ: ಬಿಎಸ್‌ಎಫ್‌ ಯೋಧ ಸಾವು

ಗುವಾಹಟಿ: ಜಮ್ಮು ಮತ್ತು ಕಾಶ್ಮೀರದಲ್ಲಿ ಪಾಕಿಸ್ತಾನವು ಶನಿವಾರ ನಡೆಸಿದ ಡ್ರೋನ್‌ ದಾಳಿಯಲ್ಲಿ ಗಂಭೀರವಾಗಿ ಗಾಯಗೊಂಡಿದ್ದ ಬಿಎಸ್‌ಎಫ್‌ ಯೋಧ ಮಣಿಪುರದ ದೀಪಕ್‌ ಚಿಂಗಾಖಂ (25) ಅವರು ಭಾನುವಾರ ಹುತಾತ್ಮರಾಗಿದ್ದಾರೆ. ದೀಪಕ್‌ ಅವರು 2021ರಲ್ಲಿ ಬಿಎಸ್‌ಎಫ್‌ ಸೇರಿದ್ದರು.

ದೀಪಕ್‌ ಅವರು ಮೈತೇಯಿ ಸಮುದಾಯದಕ್ಕೆ ಸೇರಿದವರಾಗಿದ್ದರು. ಮಂಗಳವಾರ ಮಣಿಪುರದ ವಿಮಾನ ನಿಲ್ದಾಣದಲ್ಲಿ ದೀಪಕ್‌ ಅವರ ಮೃತದೇಹಕ್ಕೆ ಪುಷ್ಪ ನಮನ ಸಲ್ಲಿಸುವ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ. ರಾಜ್ಯಪಾಲ ಸೇರಿದಂತೆ ರಾಜ್ಯದ ವಿವಿಧ ಗಣ್ಯರು ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ. ದೀಪಕ್‌ ಅವರ ಕುಟುಂಬಕ್ಕೆ ರಾಜ್ಯಪಾಲರು ₹10 ಲಕ್ಷ ಪರಿಹಾರ ಘೋಷಿಸಿದ್ದಾರೆ.