ತೆಲಂಗಾಣ: ಶಿಕ್ಷಣಕ್ಕಾಗಿ ವಿದೇಶಕ್ಕೆ ತೆರಳುವ ವಿದ್ಯಾರ್ಥಿಗಳಿಗಾಗಿ ಲಸಿಕೆ ಅಭಿಯಾನ

ಹೈದರಾಬಾದ್‌: ವಿದ್ಯಾಭ್ಯಾಸದ ಸಲುವಾಗಿ ವಿದೇಶಗಳಿಗೆ ತೆರಳಲಿರುವ ವಿದ್ಯಾರ್ಥಿಗಳಿಗಾಗಿ ತೆಲಂಗಾಣ ಸರ್ಕಾರವು ವಿಶೇಷ ಲಸಿಕಾ ಅಭಿಯಾನವನ್ನು ಶನಿವಾರ ಆರಂಭಿಸಿದೆ.

ಮುಂದಿನ ಎರಡು ತಿಂಗಳುಗಳಲ್ಲಿ ವಿದೇಶಗಳಿಗೆ ಹೊರಡಲಿರುವ ವಿದ್ಯಾರ್ಥಿಗಳಿಗೆ ಈವಿಶೇಷ ಅಭಿಯಾನವನ್ನು ಹೈದರಾಬಾದ್‌ನ ಇನ್‌ಸ್ಟಿಟ್ಯೂಟ್ ಆಫ್ ಪ್ರಿವೆಂಟಿವ್ ಮೆಡಿಸಿನ್‌ ಮೇಲ್ವಿಚಾರಣೆಯಲ್ಲಿ ನಡೆಸಲಾಗುತ್ತಿದೆ.

ವಿದ್ಯಾರ್ಥಿಗಳು ಲಸಿಕೆ ಪಡೆದುಕೊಳ್ಳಲು ಬರುವಾಗ, ತಮ್ಮ ಪಾಸ್‌ಪೋರ್ಟ್‌, ವಿದ್ಯಾರ್ಥಿ ವೀಸಾ ಮತ್ತುಆಯಾ ವಿಶ್ವವಿದ್ಯಾಲಯ ನೀಡಿದ ಅಧಿಕೃತ ದಾಖಲಾತಿ ಪತ್ರಗಳನ್ನು ತರಬೇಕು ಎಂದು ತಿಳಿಸಲಾಗಿದೆ.

ʼವಿದೇಶಕ್ಕೆ ತೆರಳುವ ವಿದ್ಯಾರ್ಥಿಗಳಿಗಾಗಿತೆಲಂಗಾಣ ಸರ್ಕಾರ ಈ ವಿಶೇಷ ಅಭಿಯಾನಕ್ಕೆ ಚಾಲನೆ ನೀಡಿದೆ. ಎರಡುದಿನಗಳ ಹಿಂದೆ ತೆರೆಯಲಾಗಿರುವ ವಿಶೇಷ ವೆಬ್‌ಸೈಟ್‌ ಮೂಲಕ ಅರ್ಹ ವಿದ್ಯಾರ್ಥಿಗಳು ಸ್ವತಃ ನೋಂದಣಿ ಮಾಡಿಕೊಳ್ಳಬಹುದುʼ ಎಂದು ಸಂಸ್ಥೆಯ ನಿರ್ದೇಶಕ ಡಾ. ಶಂಕರ್‌ ತಿಳಿಸಿದ್ದಾರೆ.ಈವರೆಗೆ ಒಟ್ಟು 7,000 ವಿದ್ಯಾರ್ಥಿಗಳು ಲಸಿಕೆಗಾಗಿ ನೋಂದಣಿ ಮಾಡಿಕೊಂಡಿದ್ದಾರೆ. ಕೆಲವು ರಾಷ್ಟ್ರಗಳಲ್ಲಿಕೋವಾಕ್ಸಿನ್‌ಗೆ ಅನುಮತಿ ಇಲ್ಲದ ಕಾರಣ, ಕೋವಿಶೀಲ್ಡ್‌ಲಸಿಕೆ ನೀಡಲಾಗುತ್ತಿದೆ ಎಂದೂ ಅವರು ಹೇಳಿದ್ದಾರೆ.

ಫಲಾನುಭವಿ ವಿದ್ಯಾರ್ಥಿಗಳು ತಮ್ಮ ಎರಡನೇ ಡೋಸ್‌ ಅನ್ನು10 ವಾರಗಳ ಬದಲು4 ವಾರಗಳ ನಂತರವೇ ಹಾಕಿಸಿಕೊಳ್ಳಬಹುದು. ಎರಡನೇ ಡೋಸ್‌ ಪಡೆದ ಬಳಿಕ ಅವರಿಗೆಲಸಿಕೆ ಪ್ರಮಾಣಪತ್ರ ನೀಡಲಾಗುವುದುʼ ಎಂದಿದ್ದಾರೆ.

ತೆಲಂಗಾಣ ಸರ್ಕಾರದ ಅಧಿಕೃತಮೂಲಗಳ ಪ್ರಕಾರ ರಾಜ್ಯದಲ್ಲಿ ಇದುವರೆಗೆ 64,17,283 ಡೋಸ್‌ ಲಸಿಕೆ ನೀಡಲಾಗಿದೆ.