ತಬ್ಲೀಗ್‌ ಜಮಾತ್‌ನ 75 ಮಂದಿಗೆ ಜಾಮೀನು

ನವದೆಹಲಿ: ವೀಸಾ ನಿಯಮ ಮತ್ತು ಸರ್ಕಾರದ ಕೋವಿಡ್‌–19 ಮಾರ್ಗಸೂಚಿಗಳನ್ನು ಉಲ್ಲಂಘಿಸಿ ಅಕ್ರಮವಾಗಿ ತಬ್ಲೀಗ್‌ ಜಮಾತ್ ಸಭೆಯಲ್ಲಿ ಭಾಗವಹಿಸಿದ ಆರೋಪಿಗಳಾಗಿದ್ದ ಥಾಯ್ಲೆಂಡ್ ಮತ್ತು ನೇಪಾಳದ 75 ಪ್ರಜೆಗಳಿಗೆ ದೆಹಲಿ ನ್ಯಾಯಾಲಯ ಶನಿವಾರ ಜಾಮೀನು ನೀಡಿದೆ.

ಮುಖ್ಯ ಮೆಟ್ರೊಪಾಲಿಟನ್ ನ್ಯಾಯಾಧೀಶರಾದ ಗುರ್‌ಮೊಹಿನಾ ಕೌರ್ ಅವರು ಆರೋಪಿಗಳಿಂದ ತಲಾ ₹ 10 ಸಾವಿರ ವೈಯಕ್ತಿಕ ಬಾಂಡ್ ಬರೆಸಿಕೊಂಡು ಜಾಮೀನು ಮಂಜೂರು ಮಾಡಿದ್ದಾರೆ.

ಈ ಪ್ರಕರಣದಲ್ಲಿ ಚಾರ್ಚ್‌ಶೀಟ್‌ನಲ್ಲಿದ್ದ 33 ವಿವಿಧ ದೇಶಗಳ 445 ವಿದೇಶಿ ಪ್ರಜೆಗಳಿಗೆ ದೆಹಲಿ ನ್ಯಾಯಾಲಯ ಜಾಮೀನು ಮಂಜೂರು ಮಾಡಿದೆ.

36 ದೇಶಗಳ 957 ವಿದೇಶಿ ಪ್ರಜೆಗಳ ವಿರುದ್ಧ ಪೊಲೀಸರು 59 ಚಾರ್ಜ್‌ಶೀಟ್ ಸಲ್ಲಿಸಿದ್ದರು.