ನವದೆಹಲಿ: ಅಮೆರಿಕದ ಸಂಸದರ ನಿಯೋಗವು ಶನಿವಾರ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರನ್ನು ಭೇಟಿಯಾಗಿ ಚರ್ಚಿಸಿತು. ಭಾರತ –ಅಮೆರಿಕ ನಡುವಣ ಬಾಂಧವ್ಯ ವೃದ್ಧಿಗೆ ಅಮೆರಿಕ ಸಂಸತ್ತಿನ ನಿರಂತರ ಬೆಂಬಲವಿದೆ ಎಂದು ಮೋದಿ ಈ ಸಂದರ್ಭದಲ್ಲಿ ಶ್ಲಾಘಿಸಿದರು.
ಪ್ರಧಾನಮಂತ್ರಿಗಳ ಕಚೇರಿ ಈ ಕುರಿತು ಹೇಳಿಕೆ ನೀಡಿದ್ದು, ಸಂಸದ ಜಾನ್ ಕಾರ್ನಿನ್ ಅವರು ನಿಯೋಗದ ನೇತೃತ್ವ ವಹಿಸಿದ್ದರು. ಸೆನೆಟರ್ಗಳಾದ ಮೈಕೆಲ್ ಕ್ರಾಪೊ, ಥಾಮಸ್ ಟುಬೆರ್ವಿಲೆ, ಮೈಕೆಲ್ ಲೀ, ಸಂಸದರಾದ ಟೊನಿ ಗೊನ್ಜಲೆಸ್, ಜಾನ್ ಕೆವಿನ್ ಎಲಿಜೆ ಇದ್ದರು ಎಂದು ತಿಳಿಸಿದೆ.
ಕಾರ್ನಿನ್ ಅವರು ಭಾರತ, ಭಾರತೀಯ ಅಮೆರಿಕನ್ನರ ಸಂಸದರ ಸಮಿತಿ ಸಹ ಸ್ಥಾಪಕರು ಆಗಿದ್ದಾರೆ. ಉಭಯ ದೇಶಗಳ ನಡುವಣ ದ್ವಿಪಕ್ಷೀಯ ವಿಷಯಗಳು, ಜಾಗತಿಕವಾಗಿ ಶಾಂತಿ ಮತ್ತು ಸ್ಥಿರತೆ ಸ್ಥಾಪನೆಗೆ ಪರಸ್ಪರ ಸಹಕಾರ ಕುರಿತ ವಿಷಯಗಳು ಭೇಟಿಯ ವೇಳೆ ಪ್ರಸ್ತಾಪವಾದವು ಎಂದು ಹೇಳಿಕೆಯು ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.