Covid-19 Karnataka Update: ರಾಜ್ಯದಲ್ಲಿ 592 ಸೋಂಕಿತರು ಸಾವು

ಬೆಂಗಳೂರು:ರಾಜ್ಯದಲ್ಲಿ 300ರ ಆಸುಪಾಸಿನಲ್ಲಿದ್ದ ಕೋವಿಡ್ ಮರಣ ಪ್ರಕರಣಗಳು ಇದೇ ಮೊದಲ ಬಾರಿಗೆ 600ರ ಗಡಿ ಸಮೀಪಿಸಿವೆ. ಕಳೆದ 24 ಗಂಟೆಗಳಲ್ಲಿ ಬರೋಬ್ಬರಿ 592 ಸೋಂಕಿತರು ಸಾವಿಗೀಡಾಗಿದ್ದಾರೆ. ಇದೇ ಅವಧಿಯಲ್ಲಿ ಹೊಸದಾಗಿ48,781 ಸೋಂಕು ಪ್ರಕರಣಗಳು ವರದಿಯಾಗಿವೆ ಎಂದುಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಮಾಹಿತಿ ನೀಡಿದೆ.

ಕಳೆದ ಮೂರು ದಿನಗಳಿಂದ 50ಸಾವಿರದಆಸುಪಾಸಿನಲ್ಲೇಹೊಸಪ್ರಕರಣಗಳುಪತ್ತೆಯಾಗುತ್ತಿವೆ.

ಇದರೊಂದಿಗೆ ರಾಜ್ಯದಲ್ಲಿ ಒಟ್ಟು 18,38,885 ಪ್ರಕರಣಗಳು ವರದಿಯಾಗಿದ್ದು, ಸಾವಿನ ಸಂಖ್ಯೆ 17,804ಕ್ಕೆ ತಲುಪಿದೆ.ಇಂದು ಗುಣಮುಖರಾದ 28,623 ಮಂದಿಯೂ ಸೇರಿದಂತೆ ಇದುವರೆಗೆ ಒಟ್ಟು 12,84,420 ಸೋಂಕಿತರು ಆಸ್ಪತ್ರೆಗಳಿಂದ ಬಿಡುಗಡೆಯಾಗಿದ್ದಾರೆ. ಸದ್ಯ 5,36,641 ಸಕ್ರಿಯ ಪ್ರಕರಣಗಳಿವೆ.

ಬೆಂಗಳೂರಲ್ಲಿ 21,376ಹೊಸ ಪ್ರಕರಣ
ಬೆಂಗಳೂರಿನಲ್ಲಿ ಇಂದು ಬರೋಬ್ಬರಿ 21,376 ಪ್ರಕರಣಗಳು ವರದಿಯಾಗಿವೆ. ಇದರೊಂದಿಗೆ ನಗರದಲ್ಲಿ ವರದಿಯಾದ ಒಟ್ಟು ಪ್ರಕರಣಗಳ ಸಂಖ್ಯೆ 9,08,462 ಆಗಿದೆ. ಇದರಲ್ಲಿ 5,58,992 ಸೋಂಕಿತರು ಗುಣಮುಖರಾಗಿದ್ದು, 7,491 ಮಂದಿ ಮೃತಪಟ್ಟಿದ್ದಾರೆ. ಇನ್ನೂ 3,41,978 ಸಕ್ರಿಯ ಪ್ರಕರಣಗಳು ಇವೆ.

ಉಳಿದಂತೆ ತುಮಕೂರು (3,040),ಹಾಸನ (2,422), ಮೈಸೂರು(2,246), ಕಲಬುರಗಿ (1,722),ದಕ್ಷಿಣ ಕನ್ನಡ (1,633),ಬಳ್ಳಾರಿ (1,284), ಮಂಡ್ಯದಲ್ಲಿ (1,110) ಸಾವಿರಕ್ಕಿಂತ ಹೆಚ್ಚು ಪ್ರಕರಣಗಳುದೃಢಪಟ್ಟಿವೆ.