ಕಾರವಾರ | ಸೂರ್ಯಗ್ರಹಣ ಕಣ್ತುಂಬಿಕೊಂಡ ಖಗೋಳ ಆಸಕ್ತರು

ಕಾರವಾರ: ಕಂಕಣ ಸೂರ್ಯಗ್ರಹಣವು ನಗರದಲ್ಲಿ ಭಾಗಶಃ ಗೋಚರಿಸಿತು. ನಗರದ ಪ್ರಾದೇಶಿಕ ವಿಜ್ಞಾನ ಕೇಂದ್ರದಲ್ಲಿ ಗ್ರಹಣ ವೀಕ್ಷಣೆಗೆ ವ್ಯವಸ್ಥೆ ಕಲ್ಪಿಸಲಾಗಿತ್ತು.

ಬೆಳಿಗ್ಗೆ 10.04 ನಿಮಿಷಕ್ಕೆ ಶುರುವಾದ ಗ್ರಹಣವು 11.30ಕ್ಕೆ ಅಂತ್ಯವಾಯಿತು. ಸೂರ್ಯನಿಗೆ ಆಗಾಗ ಮೋಡ ಅಡ್ಡಬಂದರೂ ಖಗೋಳದ ವಿಸ್ಮಯ ವೀಕ್ಷಣೆಗೆ ಅಡ್ಡಿಯಾಗಲಿಲ್ಲ. ವಿದ್ಯಾರ್ಥಿಗಳು, ಖಗೋಳ ಆಸಕ್ತರು ಗ್ರಹಣ ವೀಕ್ಷಣೆಯ ಕನ್ನಡಕ ಧರಿಸಿ ಗ್ರಹಣ ಕಣ್ತುಂಬಿಕೊಂಡರು.