ಚೀನಾದಲ್ಲಿ ಭಾರಿ ಮಳೆ; ಭೂಕುಸಿತ: 12 ಮಂದಿ ಸಾವು

ಬೀಜಿಂಗ್‌: ಚೀನಾದ ಹುನಾನ್‌ ಪ್ರಾಂತ್ಯದಲ್ಲಿ ಸುರಿದ ಭಾರಿ ಮಳೆಯಿಂದಾಗಿ ಭೂಕುಸಿತ ಸಂಭವಿಸಿದ್ದು, ಭಾನುವಾರ 12 ಮಂದಿ ಮೃತಪಟ್ಟಿದ್ದಾರೆ. ಘಟನೆಯಲ್ಲಿ ಆರು ಜನ ಗಾಯಗೊಂಡಿದ್ದಾರೆ.

ಭೂಕುಸಿತದಲ್ಲಿ ಹಲವು ಮನೆಗಳು ಕೊಚ್ಚಿ ಹೋಗಿದ್ದು, ಎಂಟು ಮಂದಿ ಭೂಸಮಾಧಿಯಾಗಿದ್ದಾರೆ.  ರಕ್ಷಣಾ ತಂಡ ಈವರೆಗೆ 12 ಮೃತದೇಹಗಳನ್ನು ಪತ್ತೆ ಮಾಡಿದೆ. ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಿಲಾಗಿದೆ. ರಕ್ಷಣಾ ಕಾರ್ಯಗಳಿಗಾಗಿ 240 ಕ್ಕೂ ಹೆಚ್ಚು ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿದ್ದಾರೆ ಎಂದು ಸರ್ಕಾರಿ ಕ್ಸಿನ್ಹುವಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ಕಳೆದ ವಾರ ಚೀನಾಕ್ಕೆ ಗೇಮಿ ಬಿರುಗಾಳಿ ಅಪ್ಪಳಿಸಿತ್ತು. ಬಳಿಕ ಅಬ್ಬರಿಸಿದ ಮಳೆ ಪ್ರವಾಹದ ಸ್ಥಿತಿಯನ್ನು ತಂದೊಡ್ಡಿದೆ.