ಏಡ್ಸ್: 2.17 ಕೋಟಿ ಜನರಿಗೆ ಚಿಕಿತ್ಸೆ

ಪ್ಯಾರಿಸ್ (ಎಎಫ್‌ಪಿ): 2017ರಲ್ಲಿ ಏಡ್ಸ್‌ಗೆ ಗುರಿಯಾಗಿದ್ದ ವಿಶ್ವದ 3.6 ಕೋಟಿ ಜನರಲ್ಲಿ 2.17 ಕೋಟಿ ಮಂದಿ, ಏಡ್ಸ್‌ ವೈರಸ್‌ ನಿಯಂತ್ರಿಸುವ ಚಿಕಿತ್ಸೆ ಪಡೆದುಕೊಂಡಿದ್ದಾರೆ.

1980ರಲ್ಲಿ ಮೊದಲ ಬಾರಿಗೆ ಏಡ್ಸ್‌ ಪತ್ತೆಯಾದ ಬಳಿಕದಲ್ಲಿಯೇ, ದಾಖಲೆ ಪ್ರಮಾಣದಲ್ಲಿ ಪಡೆದುಕೊಂಡಿರುವ ಚಿಕಿತ್ಸೆ ಇದಾಗಿದೆ ಎಂದು ವಿಶ್ವಸಂಸ್ಥೆ ವರದಿ ತಿಳಿಸಿದೆ.

ಹೊಸದಾಗಿ ಏಡ್ಸ್ ಸೋಂಕು ಹರಡುವುದನ್ನು ತಡೆಗಟ್ಟುವಲ್ಲಿ ಹಾಗೂ ಸಾವಿನ ಸಂಖ್ಯೆಗೆ ಕಡಿವಾಣ ಹಾಕುವುದರಲ್ಲಿ ಪ್ರಗತಿ ಸಾಧಿಸಿರುವುದನ್ನು ವರದಿಯಲ್ಲಿ ಪ್ರಶಂಸಿಸಲಾಗಿದೆ.