ಚೀನಾ: ಇಂಟರ್ನೆಟ್ ತಂತ್ರಜ್ಞಾನಕ್ಕೆ ಸಂಬಂಧಿಸಿದ ಪರೀಕ್ಷಾ ಉಪಗ್ರಹ ಉಡಾವಣೆ ಯಶಸ್ವಿ

ಬೀಜಿಂಗ್‌: ಅಂತರ್ಜಾಲ ತಂತ್ರಜ್ಞಾನಕ್ಕೆ ಸಂಬಂಧಿಸಿದ ಪರೀಕ್ಷಾ ಉಪಗ್ರಹವನ್ನು ಚೀನಾ ಶನಿವಾರ ಯಶಸ್ವಿಯಾಗಿ ಉಡಾವಣೆ ಮಾಡಿದೆ.

ಜಿಯುಕ್ವಾನ್‌ ಉಡಾವಣಾ ಕೇಂದ್ರದಿಂದ ಲಾಂಗ್‌ ಮಾರ್ಚ್‌–2ಸಿ ಕ್ಯಾರಿಯರ್‌ ರಾಕೆಟ್‌ ಮೂಲಕ ಉಪಗ್ರಹ ಉಡಾವಣೆ ಮಾಡಲಾಯಿತು ಎಂದು 'ಕ್ಸಿನುವಾ' ಸುದ್ದಿಸಂಸ್ಥೆ ವರದಿ ಮಾಡಿದೆ.

ಲಾಂಗ್‌ ಮಾರ್ಚ್‌ ಕ್ಯಾರಿಯರ್‌ ರಾಕೆಟ್‌ ಸರಣಿಯ 505ನೇ ಯೋಜನೆ ಇದಾಗಿತ್ತು ಎಂದೂ ಉಲ್ಲೇಖಿಸಿದೆ.