Covid-19 World Update | 2.68 ಕೋಟಿ ಸೋಂಕಿತರು, 1.89 ಕೋಟಿ ಮಂದಿ ಗುಣಮುಖ

ವಾಷಿಂಗ್ಟನ್: ಜಗತ್ತಿನಾದ್ಯಂತ 2.68 ಕೋಟಿಗೂ ಅಧಿಕ ಜನರು ಕೋವಿಡ್-19 ಸೋಂಕಿಗೆ ಒಳಗಾಗಿದ್ದರೆ, 8.8 ಲಕ್ಷಕ್ಕೂ ಹೆಚ್ಚು ಜನರು ಮೃತಪಟ್ಟಿದ್ದಾರೆ ಎಂದು ಕೊರೊನಾ ವೈರಸ್‌ ವರ್ಡೊ ಮೀಟರ್‌ ತಿಳಿಸಿದೆ.

ಈವರೆಗೆ ಜಗತ್ತಿನಾದ್ಯಂತ ಸೋಂಕಿತರ ಸಂಖ್ಯೆ 2,68,86,386ಕ್ಕೆ ಮುಟ್ಟಿದ್ದು, 8,80,419 ಮಂದಿ ಮೃತಪಟ್ಟಿದ್ದಾರೆ. 1,89,99,861 ಸೋಂಕಿತರು ಗುಣಮುಖರಾಗಿದ್ದಾರೆ. ಒಟ್ಟು 70,06,106 ಕೊರೊನಾ ಪ್ರಕರಣಗಳು ಸಕ್ರಿಯವಾಗಿವೆ.

ಸೋಂಕು ಪ್ರಕರಣಗಳ ಪಟ್ಟಿಯಲ್ಲಿ ಅಗ್ರ ಸ್ಥಾನದಲ್ಲಿರುವ ಅಮೆರಿಕದಲ್ಲಿ 63,97,447 ಜನರಿಗೆ ಕೋವಿಡ್-19 ದೃಢಪಟ್ಟಿದೆ. ಸದ್ಯ 1,92,248 ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. 36,36,323 ಜನರು ಈ ವರೆಗೆ ಚೇತರಿಸಿಕೊಂಡಿದ್ದಾರೆ.

ಬ್ರೆಜಿಲ್‌ನಲ್ಲಿ 40,91,801, ಭಾರತದಲ್ಲಿ 40,69,522, ರಷ್ಯಾದಲ್ಲಿ 10,20,310, ದಕ್ಷಿಣ ಆಫ್ರಿಕಾದಲ್ಲಿ 6,35,078, ಪೆರುವಿನಲ್ಲಿ 6,76,848, ಕೊಲಂಬಿಯಾದಲ್ಲಿ 6,50,062, ಚಿಲಿಯಲ್ಲಿ 4,18,469, ಇರಾನ್‌ನಲ್ಲಿ 3,84,666, ಇಂಗ್ಲೆಂಡ್‌ನಲ್ಲಿ 3,42,351 ಮತ್ತು ಸ್ಪೇನ್‌ನಲ್ಲಿ 5,17,133 ಕೊರೊನಾ ಸೋಂಕು ಪ್ರಕರಣಗಳು ದಾಖಲಾಗಿವೆ.