ಸುಡಾನ್ ವಿಮಾನ ಪತನ: 46 ಮಂದಿ ಸಾವು

ಕೈರೋ: ಒಮ್‌ಡರ್ಮನ್‌ನಲ್ಲಿ ಸುಡಾನ್ ಸೇನಾ ವಿಮಾನ ಪತನಗೊಂಡು, ಕನಿಷ್ಠ 46 ಮಂದಿ ಮೃತಪಟ್ಟಿದ್ದಾರೆ ಎಂದು ಅಧಿಕಾರಿಗಳು ಬುಧವಾರ ತಿಳಿಸಿದರು.

ಆಂಟೊನೋವ್‌ ವಿಮಾನವು ಒಮ್‌ಡರ್ಮನ್‌ನ ಉತ್ತರದ ವಾದಿ ಸಯಿದ್ನಾ ವಾಯುನೆಲೆಯಿಂದ ಮಂಗಳವಾರ ಟೇಕ್‌–ಆಫ್‌ ಆಗುವಾಗ ಪತನಗೊಂಡಿದೆ ಎಂದು ಸೇನಾ ಹೇಳಿಕೆ ತಿಳಿಸಿದೆ.

ಅಪಘಾತದಲ್ಲಿ 10 ಜನರು ಗಾಯಗೊಂಡಿದ್ದು, ಸಶಸ್ತ್ರ ಪಡೆಗಳ ಸಿಬ್ಬಂದಿ ಮತ್ತು ನಾಗರಿಕರು ಮೃತಪಟ್ಟಿದ್ದಾರೆ ಎಂದು ಸೇನೆ ತಿಳಿಸಿದೆ. ಆದರೆ ಘಟನೆಗೆ ಕಾರಣವೇನೆಂದು ಅದು ತಿಳಿಸಿಲ್ಲ.