ಡಿಎಫ್‌ಸಿ ಉಸ್ತುವಾರಿ ಮುಖ್ಯಸ್ಥರಾಗಿ ಭಾರತ ಮೂಲದ ದೇವ್ ಜಗದೇಶನ್
Published 25 ಜನವರಿ 2021, 6:19 IST
ಜೋ ಬೈಡನ್
ವಾಷಿಂಗ್ಟನ್: ಅಂತರರಾಷ್ಟ್ರೀಯ ಅಭಿವೃದ್ಧಿ ಹಣಕಾಸು ನಿಗಮದ (ಡಿ.ಎಫ್‌.ಸಿ) ಉಸ್ತುವಾರಿ ಮುಖ್ಯಸ್ಥರಾಗಿ ಭಾರತೀಯ ಮೂಲದ ಅಮೆರಿಕನ್ನರಾದ ದೇವ್ ಜಗದೇಶನ್ ಅವರನ್ನು ಅಧ್ಯಕ್ಷ ಜೋ ಬೈಡನ್ ನೇಮಕ ಮಾಡಿದ್ದಾರೆ.
ಸಾರ್ವಜನಿಕ ಸೇವೆಯಲ್ಲಿ ಇರುವ ಇವರು ಯಾವುದೇ ಸರ್ಕಾರವಿರಲಿ, ಅಮೆರಿಕ ಜನರ ಸೇವೆಗೆ ಬದ್ಧರಾಗಿದ್ದಾರೆ. ಅವರಿಗೆ ರಾಜಕೀಯ ಪಕ್ಷ, ತಮ್ಮದೇ ಅಜೆಂಡಾ ಇಲ್ಲ ಅವರ ಅನುಭವ ಮತ್ತು ಬದ್ಧತೆಯನ್ನು ಸರ್ಕಾರ ಬಳಸಿಕೊಳ್ಳಲಿದೆ ಎಂದು ಬೈಡನ್ ಹೇಳಿದ್ದಾರೆ.
ಜಗದೇಶನ್ ಅವರು ಕ್ಯಾಥೊಲಿಕ್ ಯೂನಿವರ್ಸಿಟಿಯಲ್ಲಿ ಬಿ.ಎ ಮತ್ತು ಕೊಲಂಬಸ್‌ ಸ್ಕೂಲ್ ಆಫ್‌ ಲಾದಲ್ಲಿ ಜೆ.ಡಿ ಪದವಿ ಪೂರೈಸಿದ್ದು, ಇದಕ್ಕೂ ಮೊದಲು ಡಿಎಫ್‌ಸಿಯ ಡೆಪ್ಯೂಟಟಿ ಜನರಲ್ ಕೌನ್ಸಲ್ ಆಗಿ ಕಾರ್ಯನಿರ್ವಹಿಸುತ್ತಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.