ಸಿಂಗಪುರ | ರಸ್ತೆ ಅಪಘಾತ: ಭಾರತೀಯ ವ್ಯಕ್ತಿ ಸಾವು

ಸಿಂಗಪುರ: ಕಾರು ಮತ್ತು ಬೈಕ್‌ ನಡುವೆ ಸಂಭವಿಸಿದ ಅಪಘಾತದಲ್ಲಿ ಭಾರತೀಯ ಮೂಲದ ವ್ಯಕ್ತಿ ಸೇರಿದಂತೆ ಇಬ್ಬರು ಮೃತರಾಗಿದ್ದಾರೆ.

ತಮಿಳುನಾಡಿದ ಸುಲ್ತಾನ್‌ ಅಬ್ದುಲ್‌ ಕತಾರ್‌ ರೆಹಮಾನ್‌ (33), ಮಹಮ್ಮದ್ ಆರ್ಬಿಕ್ ಮೊಹಮ್ಮದ್ ಫಾರೂಕ್ (27) ಮೃತರಾದವರು. ಇವರಿಬ್ಬರು ರೆಸ್ಟೊರೆಂಟ್‌ನಲ್ಲಿ ಕೆಲಸ ಮಾಡುತ್ತಿದ್ದರು.ಮಹಮ್ಮದ್ ಆರ್ಬಿಕ್ ಮಲೇಷ್ಯಾದವರು.

ಕಾರು ಚಾಲಕ ನಿರ್ಲಕ್ಷ್ಯವೇ ಘಟನೆಗೆ ಕಾರಣ ಎನ್ನಲಾಗಿದ್ದು, ಆತನನ್ನು ಬಂಧಿಲಾಗಿದೆ. ಸುಲ್ತಾನ್‌ ಅವರಿಗೆ ಪತ್ನಿ ಮತ್ತು ಎರಡು ವರ್ಷದ ಮಗಳಿದ್ದಾಳೆ. ಅವರು ನಾಲ್ಕು ವರ್ಷಗಳಿಂದ ಸಿಂಗಪುರದಲ್ಲಿ ನೆಲೆಸಿದ್ದರು.