India-Pak Tension | ಡ್ರೋನ್‌ ದಾಳಿಯಲ್ಲಿ ನಾಲ್ವರು ಸೈನಿಕರಿಗೆ ಗಾಯ: ಪಾಕ್‌
ಕರಾಚಿಯಲ್ಲಿ ಡ್ರೋನ್‌ ದಾಳಿಯಲ್ಲಿ ನಾಶವಾಗಿದೆ ಎನ್ನಲಾಗಿರುವ ಕಟ್ಟಡವನ್ನು ಪಾಕಿಸ್ತಾನ ಪೊಲೀಸ್‌ ಸಿಬ್ಬಂದಿ ಪರಿಶೀಲಿಸಿದರು
ಇಸ್ಲಾಮಾಬಾದ್‌: ಭಾರತ ಮತ್ತು ಪಾಕಿಸ್ತಾನದ ನಡುವಿನ ಉದ್ವಿಗ್ನ ಸ್ಥಿತಿ ಮುಂದುವರಿದಿದ್ದು, ಭಾರತದ ಭದ್ರತಾ ಪಡೆಗಳು ನಡೆಸಿದ ಡ್ರೋನ್‌ ದಾಳಿಯಲ್ಲಿ ತನ್ನ ನಾಲ್ವರು ಸೈನಿಕರು ಗಾಯಗೊಂಡಿದ್ದಾರೆ ಎಂದು ಪಾಕ್‌ ಸೇನೆ ಗುರುವಾರ ಹೇಳಿಕೊಂಡಿದೆ.
ಇದಕ್ಕೆ ಪ್ರತಿಯಾಗಿ ಭಾರತದ ಹಲವು ಡ್ರೋನ್‌ಗಳನ್ನು ಹೊಡೆದು ಉರುಳಿಸಿರುವುದಾಗಿಯೂ ಅದು ಪ್ರತಿಪಾದಿಸಿದೆ.
‘ಲಾಹೋರ್‌ ಬಳಿ ಒಂದು ಡ್ರೋನ್‌ ಪತನಗೊಂಡಿದೆ. ಈ ದಾಳಿಯಲ್ಲಿ ನಾಲ್ವರು ಸೈನಿಕರು ಗಾಯಗೊಂಡಿದ್ದಾರೆ’ ಎಂದು ಪಾಕ್‌ ಸೇನಾ ವಕ್ತಾರ ಲೆಫ್ಟಿನೆಂಟ್‌ ಜನರಲ್‌ ಅಹ್ಮದ್‌ ಷರೀಫ್‌ ಚೌಧರಿ ತಿಳಿಸಿದ್ದಾರೆ.
ಲಾಹೋರ್‌, ಗುಜ್ರನ್‌ವಾಲಾ, ಚಕ್ವಾಲ್‌, ಬಹವಾಲ್ವಪುರ, ಮಿಯಾನೊ, ಕರಾಚಿ, ಚೋರ್‌, ರಾವಲ್ಪಿಂಡಿ ಮತ್ತು ಅಟೊಕ್‌ಗಳಲ್ಲಿ ಡ್ರೋನ್‌ಗಳನ್ನು ಹೊಡೆದುರುಳಿಸಲಾಗಿದೆ ಎಂದು ಚೌಧರಿ ಹೇಳಿದ್ದಾರೆ.
‘ಇಲ್ಲಿಯವರೆಗೆ ಇಸ್ರೇಲ್‌ ನಿರ್ಮಿತ 25 ಡ್ರೋನ್‌ಗಳನ್ನು ಸೇನೆಯು ಹೊಡೆದುರುಳಿಸಿದೆ’ ಎಂದು ಪಾಕ್‌ ಸೇನೆ ಪ್ರಕಟಣೆಯಲ್ಲಿ ತಿಳಿಸಿದೆ.
Cut-off box - null
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.