ಪಾಕ್‌ ಆರ್ಥಿಕ ಸಂಕಷ್ಟ: ನೆರವಿಗಾಗಿ ಸೌದಿ, ಯುಎಇಗೆ ಧಾವಿಸಿದ ಸೇನಾ ಮುಖ್ಯಸ್ಥ

ಇಸ್ಲಾಮಾಬಾದ್‌: ಪಾಕಿಸ್ತಾನವು ತೀವ್ರ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದು, ಸೇನಾ ಮುಖ್ಯಸ್ಥ ಜನರಲ್‌ ಆಸಿಂ ಮುನೀರ್‌ ಅವರು ಸೌದಿ ಅರೇಬಿಯಾ ಮತ್ತು ಯುಎಇಗಳಿಗೆ ತುರ್ತು ಭೇಟಿ ಆರಂಭಿಸಿದ್ದಾರೆ.

ಪಾಕಿಸ್ತಾನ ಈ ಶ್ರೀಮಂತ ಗಲ್ಫ್‌ ದೇಶಗಳಿಂದ ತುರ್ತು ಆರ್ಥಿಕ ನೆರವಿನ ನಿರೀಕ್ಷೆಯಲ್ಲಿದ್ದು, ಜನರಲ್‌ ಮುನೀರ್‌ ಅವರು ಒಂದು ವಾರ ಈ ಎರಡೂ ದೇಶಗಳಲ್ಲಿ ಉನ್ನತ ನಾಯಕರೊಂದಿಗೆ ಮಾತುಕತೆ ನಡೆಸಲಿದ್ದಾರೆ.

ಇದಕ್ಕೂ ಮೊದಲು ಪ್ರಧಾನಿ ಶೆಹಬಾಝ್‌ ಷರೀಫ್‌ ಸಹ ಸೌದಿ ಅರೇಬಿಯಾ ಮತ್ತು ಯುಎಇಗೆ ಭೇಟಿ ನೀಡಿ, ನೆರವು ಕೋರಿದ್ದರು.