‘ಪಾಕ್‌ ಸಚಿವರಿಗೆ ಅಂಟಿದ ಬೆಕ್ಕಿನ ಕಿವಿಗಳು’
ಇಸ್ಲಾಮಾಬಾದ್‌: ಫೇಸ್ಬುಕ್ ಲೈವ್‌ ಮೂಲಕ ಸುದ್ದಿಗೋಷ್ಠಿ ಪ್ರಸಾರವಾಗುತ್ತಿದ್ದ ವೇಳೆ ಪಾಕಿಸ್ತಾನದ ಸಚಿವರಿಗೆ ಬೆಕ್ಕಿನ ಕಿವಿಗಳು ಮತ್ತು ಮೀಸೆಗಳಿರುವ ಎಮೋಜಿ ಅಂಟಿದ್ದು, ವಿಡಿಯೊ ಜಾಲತಾಣದಲ್ಲಿ ವೈರಲ್‌ ಆಗಿದೆ.
ಶನಿವಾರ ಪಾಕಿಸ್ತಾನಖೈಬರ್‌ ಪಂಖ್ತುಖ್ವಾ ಪ್ರಾಂತ್ಯದ ಸಚಿವ ಶೌಕತ್‌ ಯೂಸುಫ್‌ಝೈ ಮತ್ತು ಇತರ ಸಚಿವರ ಸುದ್ದಿಗೋಷ್ಠಿ ಫೇಸ್ಬುಕ್ ಲೈವ್‌ನಲ್ಲಿ ಪ್ರಸಾರವಾಗಿದೆ. ಸಚಿವರ ಮುಖದಲ್ಲಿ ಬೆಕ್ಕಿನ ಕಿವಿ ಮತ್ತು ಮೀಸೆ ಇರುವ ಎಮೋಜಿಗಳು ಸ್ವಯಂಚಾಲಿತವಾಗಿ ಕಾಣಿಸಿಕೊಂಡಿವೆ. ಇದು ಸಚಿವರ ಗಮನಕ್ಕೆ ಬಂದಿಲ್ಲ.
ಪಾಕಿಸ್ತಾನದ ನೆಟ್ಟಿಗರು ಈ ವಿಡಿಯೊ ಬಳಸಿಕೊಂಡು ಟ್ರೋಲ್‌ ಮಾಡಿದ್ದಾರೆ. ‘ಯಾರು ಈ ಬೆಕ್ಕುಗಳನ್ನು ಸುದ್ದಿಗೋಷ್ಠಿಗೆ ಬಿಟ್ಟವರು’ ಎಂದು ಒಬ್ಬರು ಹೇಳಿದ್ದರೆ, ಮತ್ತೊಬ್ಬರು ‘ಸಚಿವರು ಬೆಕ್ಕಿನ ವೇಷದಲ್ಲಿಮುದ್ದಾಗಿ ಕಾಣುತ್ತಿದ್ದಾರೆ’ ಎಂದು ಕಾಲೆಳೆದಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.