ಚೀನಾದಲ್ಲಿ ಹವಾಮಾನ ವೈಪರೀತ್ಯ: ಗುಡ್ಡಗಾಡು ಓಟದಲ್ಲಿ ಭಾಗವಹಿಸಿದ್ದ 21 ಮಂದಿ ಸಾವು

ಬೀಜಿಂಗ್: ವಾಯುವ್ಯ ಚೀನಾದಲ್ಲಿ ಹವಾಮಾನ ವೈಪರೀತ್ಯ ಉಂಟಾಗಿದ್ದು, 100 ಕಿ.ಮೀ ಕ್ರಾಸ್‌ ಕಂಟ್ರಿ (ಗುಡ್ಡಗಾಡು) ಮ್ಯಾರಥಾನ್ ಓಟದಲ್ಲಿ ಭಾಗವಹಿಸಿದ್ದ 21 ಓಟಗಾರರು ಮೃತಪಟ್ಟಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಗನ್ಸು ಪ್ರಾಂತ್ಯದಪ್ರವಾಸಿ ತಾಣವಾದ ಯೆಲ್ಲೊ ರಿವರ್‌ ಸ್ಟೋನ್‌ ಫಾರೆಸ್ಟ್‌ನಲ್ಲಿ ನಡೆದ ಈ ಸ್ಪರ್ಧೆಯ ವೇಳೆ ಹೆಚ್ಚು ಪ್ರಮಾಣದ ಗಾಳಿ ಮತ್ತು ಆಲಿಕಲ್ಲು ಮಳೆ ಸುರಿದ ಪರಿಣಾಮ ದುರಂತ ಸಂಭವಿಸಿದೆ ಎಂದು ಹೇಳಲಾಗಿದೆ.

ಓಟ ಸ್ಫರ್ಧೆಯಲ್ಲಿ ಒಟ್ಟು 172 ಮಂದಿ ಭಾಗವಹಿಸಿದ್ದರು. 151 ಮಂದಿ ಸುರಕ್ಷಿತವಾಗಿದ್ದಾರೆ. ಎಂಟು ಮಂದಿಗೆ ಸಣ್ಣ ಗಾಯಗಳಾಗಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.