ಆ ಮಹಾತಾಯಿ ಏಕಕಾಲದಲ್ಲಿ ಹತ್ತು ಮಕ್ಕಳಿಗೆ ಜನ್ಮ ನೀಡಿದ್ದ ಸುದ್ದಿ ಸುಳ್ಳು!

ಬೆಂಗಳೂರು: ಕಳೆದ ಎರಡು ವಾರದ ಹಿಂದೆ ಆಫ್ರಿಕಾದ 37 ವರ್ಷದ ಗೊಸಿಯಮೆ ಥಾಮರಾ ಸಿತೋಲ್‌ ಎಂಬ ಮಹಿಳೆಯೊಬ್ಬಳು ಏಕ ಕಾಲದಲ್ಲಿ ಹತ್ತು ಮಕ್ಕಳಿಗೆ ಜನ್ಮ ನೀಡಿದ್ದಾಳೆ ಎಂಬುದು ಜಾಗತಿಕ ಸುದ್ದಿಯಾಗಿತ್ತು.

ಆದರೆ, ಈ ಬಗ್ಗೆ ಇಂದು ‘ಬಿಬಿಸಿ‘ ಸುದ್ದಿ ವಾಹಿನಿ ವರದಿ ಪ್ರಕಟಿಸಿದ್ದು, ದಕ್ಷಿಣ ಆಫ್ರಿಕಾದಲ್ಲಿ ಯಾವುದೇ ಮಹಿಳೆ ಹತ್ತು ಮಕ್ಕಳಿಗೆ ಜನ್ಮ ನೀಡಿರುವ ಸಂಗತಿ ಅಲ್ಲಿನಯಾವುದೇ ಆಸ್ಪತ್ರೆಗಳಲ್ಲಿ ದಾಖಲಾಗಿಲ್ಲ ಎಂದು ಹೇಳಿದೆ.

‘ಗೌಟೆಂಗ್ ಪ್ರಾಂತ್ಯದಲ್ಲಿ ಮಹಿಳೆ ಹತ್ತು ಮಕ್ಕಳಿಗೆ ಜನ್ಮ ನೀಡಿರುವುದು ದಾಖಲಾಗಿಲ್ಲ. ಸಿತೋಲ್ ಇತ್ತೀಚೆಗೆ ಗರ್ಭಿಣಿಯಾಗಿರಲಿಲ್ಲ ಎಂಬುದನ್ನು ವೈದ್ಯಕೀಯ ಪರೀಕ್ಷೆಗಳು ದೃಢಪಡಿಸಿವೆ‘ ಎಂದು ಗೌಟೆಂಗ್ ಪ್ರಾಂತೀಯ ಸರ್ಕಾರ ಹೇಳಿರುವುದಾಗಿ ವರದಿ ತಿಳಿಸಿದೆ.

ಪ್ರಕರಣದಲ್ಲಿ ಹೆಸರು ಕೇಳಿ ಬಂದ ಮಹಿಳೆಯನ್ನು ಮಾನಸಿಕ ಆರೋಗ್ಯ ಕಾಯ್ದೆ ಅಡಿ ತಪಾಸಣೆಗೆ ಒಳಪಡಿಸಲಾಗಿದೆ ಎಂದುಪ್ರಾಂತೀಯ ಸರ್ಕಾರ ಹೇಳಿದೆ.

ಸಿತೋಲ್ ಹತ್ತು ಮಕ್ಕಳಿಗೆ ಜನ್ಮ ನೀಡಿದ್ದಾಳೆ ಎಂದು ಮೊದಲುಪ್ರಿಟೋರಿಯಾ ನ್ಯೂಸ್ ಜೂನ್ 8 ರಂದು ವರದಿ ಪ್ರಸಾರ ಮಾಡಿತ್ತು.

ಇದನ್ನೂ ಓದಿ:ಸಿಎಂ ಬೆಂಗಾವಲು ಪಡೆಯೊಂದಿಗೆ ಹೊಡೆದಾಟಕ್ಕಿಳಿದ ಎಸ್‌ಪಿ, ವಿಡಿಯೊ ವೈರಲ್