ಕಿರ್ಗಿಸ್ತಾನ ಸಚಿವರ ಜತೆ ಸುಷ್ಮಾ ಚರ್ಚೆ
Published 21 ಮೇ 2019, 17:33 IST
ಕಿರ್ಗಿಸ್ತಾನದ ವಿದೇಶಾಂಗ ಸಚಿವ ಚಿಂಗಿಜ್‌ ಐದರ್‌ಬೆಕಾವ್‌ಗೆ ಹಸ್ತಲಾಘವ ನೀಡಿದ ಸುಷ್ಮಾ ಸ್ವರಾಜ್‌
ಬಿಷ್ಕೆಕ್‌: ಕಿರ್ಗಿಸ್ತಾನ ರಾಜಧಾನಿ ಬಿಷ್ಕೆಕ್‌ನಲ್ಲಿ ನಡೆಯುತ್ತಿರುವ ಎರಡು ದಿನಗಳ ಶಾಂಘೈ ಸಹಕಾರ ಸಂಘದ ಸಭೆಯಲ್ಲಿ ಪಾಲ್ಗೊಳ್ಳಲು ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್‌ ಸೋಮವಾರ ಇಲ್ಲಿಗೆ ಬಂದಿದ್ದಾರೆ.
ಕಿರ್ಗಿಸ್ತಾನದ ವಿದೇಶಾಂಗ ಸಚಿವ ಚಿಂಗಿಜ್‌ ಐದರ್‌ಬೆಕಾವ್‌ ಅವರ ಜತೆ ಸುಷ್ಮಾ ಅವರು ದ್ವಿಪಕ್ಷೀಯ ವಿಷಯಗಳ ಕುರಿತು ಚರ್ಚೆ ನಡೆಸಿದರು.
ಜೂನ್‌ 13 ಮತ್ತು 14ರಂದು ನಡೆಯಲಿರುವಶಾಂಘೈ ಸಹಕಾರ ಸಂಘದ ಸಭೆಯ ಪೂರ್ವಸಿದ್ಧತೆಗಳ ಪರಿಶೀಲನೆ ಜೊತೆಗೆ ಪ್ರಾದೇಶಿಕ ಹಾಗೂ ಅಂತರರಾಷ್ಟ್ರೀಯ ಮಟ್ಟದ ಮಹತ್ವದ ವಿಚಾರಗಳ ಕುರಿತು ಬುಧವಾರ ಮಾತುಕತೆನಡೆಯಲಿದೆ. ಸಂಘದ ಸದಸ್ಯ ರಾಷ್ಟ್ರಗಳ ವಿದೇಶಾಂಗ ಸಚಿವರುಗಳು ಭಾಗವಹಿಸುವರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.