ಕೋವಿಡ್‌: 10 ಲಕ್ಷ ದಾಟಿದ ಸಾವಿನ ಸಂಖ್ಯೆ

ಬಾಲ್ಟಿಮೋರ್ (ಅಮೆರಿಕ): ಕಳೆದ ಒಂಬತ್ತು ತಿಂಗಳಿನಿಂದ ಜಾಗತಿಕ ಆರ್ಥಿಕತೆಯನ್ನು ಧ್ವಂಸಗೊಳಿಸಿ, ಜೀವನ ವಿಧಾನವನ್ನು ಬದಲಿಸಿದ ಕೊರೊನಾ ಸೋಂಕಿನಿಂದ ವಿಶ್ವದಾದ್ಯಂತ 10 ಲಕ್ಷ ಸಾವನ್ನಪ್ಪಿದ್ದಾರೆ.

ಭಾರತದಲ್ಲಿ ಕೊರೊನಾದಿಂದ ಸಾವನ್ನಪ್ಪಿದವರ ಸಂಖ್ಯೆ 95 ಸಾವಿರ ತಲುಪಿದೆ.

‘ಇದು ಸಂಖ್ಯೆಯಷ್ಟೇ ಅಲ್ಲ. ನಾವು ಅಷ್ಟು ಮಂದಿ ಪ್ರೀತಿಸುವ ಜನರನ್ನು ಕಳೆದುಕೊಂಡಿದ್ದೇವೆ‘ ಎಂದು ಹೇಳಿರುವ ಮಿಚಿಗನ್ ವಿಶ್ವವಿದ್ಯಾಲಯದ ವೈದ್ಯಕೀಯ ಇತಿಹಾಸದ ಪ್ರಾಧ್ಯಾಪಕ ಡಾ ಹಾವರ್ಡ್ ಮಾರ್ಕೆಲ್‌, ಈ ಬಗ್ಗೆ ಸರ್ಕಾರಕ್ಕೆ ಒಂದಷ್ಟು ಸಲಹೆಗಳನ್ನು ನೀಡಿದ್ದಾರೆ. ಮಾರ್ಕೆಲ್, ಫೆಬ್ರುವರಿಯಲ್ಲಿ ಕೊರೊನಾ ಸೋಂಕಿನಿಂದಾಗಿ 84 ವರ್ಷದ ತಮ್ಮ ತಾಯಿಯನ್ನು ಕಳೆದುಕೊಂಡಿದ್ದಾರೆ.