50 ವರ್ಷಗಳ ಹಿಂದೆ: ಸೋಮವಾರ, 05–06–1972

ಕಾವೇರಿ ಜಲವಿವಾದ: ಮೊಕದ್ದಮೆ ವಾಪಸಿಗೆ ತಮಿಳುನಾಡು ನಿರ್ಧಾರ

ಮದರಾಸು, ಜೂನ್‌ 4 – ಕಾವೇರಿ ಜಲವಿವಾದದ ಬಗ್ಗೆ ಈಚೆಗೆ ತಮಿಳುನಾಡು, ಮೈಸೂರು ಮತ್ತು ಕೇರಳ ರಾಜ್ಯಗಳ ಮುಖ್ಯಮಂತ್ರಿಗಳ ನಡುವೆ ದೆಹಲಿಯಲ್ಲಿ ಒಪ್ಪಂದವಾದ ಕಾರಣ, ತಮಿಳುನಾಡು ಸರ್ಕಾರವು ಸುಪ್ರೀಂಕೋರ್ಟು ಮುಂದೆ ಇರುವ ತನ್ನ ಮೊಕದ್ದಮೆಯನ್ನು ಹಿಂತೆಗೆದುಕೊಳ್ಳಲು ನಿರ್ಧರಿಸಿದೆ.

ವಿಧಾನ ಸಭೆ ಪಕ್ಷಗಳ ನಾಯಕರ ಸಭೆಯಲ್ಲಿ ಇಂದು ಈ ನಿರ್ಧಾರ ಕೈಗೊಳ್ಳಲಾಗಿದೆ.