75 ವರ್ಷಗಳ ಹಿಂದೆ ಈ ದಿನ: ನೆಹರು ಸಂಧಿಸಲು ಲಂಡನ್‌ಗೆ ಬಿ.ಎನ್‌. ರಾವ್‌

ನೆಹರು ಸಂಧಿಸಲು ಲಂಡನ್‌ಗೆ ಬಿ.ಎನ್‌. ರಾವ್‌

ಲಂಡನ್‌, ಜ. 7– ವಿಶ್ವಸಂಸ್ಥೆಯಲ್ಲಿ ಭಾರತದ ಪ್ರತಿನಿಧಿಯಾಗಿರುವ ಬಿ.ಎನ್‌. ರಾವ್‌ರವರು ಪಂಡಿತ ನೆಹರುರವರನ್ನು ಸಂಧಿಸಲು ಸದ್ಯದಲ್ಲೇ ಲಂಡನ್‌ಗೆ ಬರಲಿರುವರೆಂಬ ಲೇಕ್‌ ಸಕ್ಸೆಸ್‌ ವರದಿಯು, ರಾವ್‌
ರವರು ಭಾರತ ಪ್ರಧಾನಿಯೊಂದಿಗೆ ಕೊರಿಯದಲ್ಲಿ ಯುದ್ಧ ಸ್ತಂಭನ ಮತ್ತು ಚೀನಾದೊಂದಿಗೆ ಪೌರಾತ್ಯ ಸಮಸ್ಯೆಗಳ ಬಗ್ಗೆ, ಹೊಸ ಯೋಜನೆಗಳ ಬಗ್ಗೆ ಚರ್ಚಿಸಬಹುದೆಂಬ ವದಂತಿಗೆ ಕಾರಣವಾಗಿದೆ.

ಪಂಡಿತ ನೆಹರುರವರು, ಕಾಮನ್‌ವೆಲ್ತ್‌ ರಾಷ್ಟ್ರಗಳೆಲ್ಲ ಒಂದೇರೀತಿಯ ಧೋರಣೆ ಅನುಸರಿಸ
ಬೇಕೆಂದು ಒತ್ತಾಯಪಡಿಸಬಹುದೆಂದೂ ಅಧಿಕೃತ ವಲಯಗಳಿಂದ ತಿಳಿದುಬಂತು.