75 ವರ್ಷಗಳ ಹಿಂದೆ | ಶ್ರೀನಗರದ ದಾರಿಯಲ್ಲಿ ವಿಮಾನ ಅಪಘಾತ: 22 ಮಂದಿ ಮರಣ

ಶ್ರೀನಗರದ ದಾರಿಯಲ್ಲಿ ವಿಮಾನ ಅಪಘಾತ: 22 ಮಂದಿ ಮರಣ

ದೆಹಲಿ, ಜುಲೈ 17– ದೆಹಲಿಯಿಂದ ಶ್ರೀನಗರಕ್ಕೆ ಹಾರಾಟ ಕೈಗೊಂಡಿದ್ದ ನ್ಯಾಷನಲ್ ಏರ್‌ವೇಸ್‌ಗೆ ಸೇರಿದ ಡಕೋಟ ವಿಮಾನವೊಂದು ಶ್ರೀನಗರಕ್ಕೆ ಹೋಗುವಾಗಲೇ ಅಪಘಾತಕ್ಕೀಡಾಗಿ, ಭಾರತದಲ್ಲಿನ ಆಸ್ಟ್ರಿಯಾ ಪ್ರತಿನಿಧಿ – ವಿಶ್ವಸಂಸ್ಥೆಯ ಕಾಶ್ಮೀರ ಪರಿಶೀಲಕರು ಮತ್ತು ಪ್ರಧಾನಿ ನೆಹರೂ ಆಪ್ತ ಕಾರ್ಯದರ್ಶಿ ದ್ವಾರಕ್ಯಾಥ ಕಟ್ಟು ಅವರನ್ನೊಳಗೊಂಡು 18 ಮಂದಿ ಪ್ರಯಾಣಿಕರೂ, 4 ಮಂದಿ ವಿಮಾನ ಚಾಲಕ ಪಡೆಯವರು ಮೃತ್ಯುವಿಗೆ ಈಡಾದರು.

ಮೈಸೂರು ಶಾಸನ ಸಭೆಗೆ ಉಪ ಚುನಾವಣೆ

ಬೆಂಗಳೂರು, ಜುಲೈ 17– ಮೈಸೂರು ಶಾಸನ ಸಭೆಯಲ್ಲಿ ಖಾಲಿ ಇರುವ ಸ್ಥಾನಗಳಲ್ಲಿ, ಎರಡು ಸ್ಥಾನಗಳಿಗೆ ಸರ್ಕಾರ ಉಪ ಚುನಾವಣೆ ನಡೆಸಲು ಚುನಾವಣಾ ವೇಳಾಪಟ್ಟಿಯನ್ನು ಪ್ರಕಟಿಸಿದೆ.