75 ವರ್ಷಗಳ ಹಿಂದೆ: 1‌‌951ರ ನವೆಂಬರ್–ಡಿಸೆಂಬರ್‌ನಲ್ಲಿ ಚುನಾವಣೆ

ನವದೆಹಲಿ, ನ.14– ಮಹಾಚುನಾವಣೆಗಳನ್ನು 1‌‌951ರ ನವೆಂಬರ್ ದ್ವಿತೀಯಾರ್ಧದಲ್ಲಿ ಅಥವಾ ಡಿಸೆಂಬರ್‌ ಆದಿಭಾಗದಲ್ಲಿ ನಡೆಸಲು ತಾರೀಖು ಗೊತ್ತು ಮಾಡಬೇಕೆಂದು ಸರ್ಕಾರ ಖಡಾ ಖಂಡಿತವಾಗಿ ತೀರ್ಮಾನಿಸಿದೆ.

‘1952ರ ಮಾರ್ಚ್‌ ವೇಳೆಗೆ ಅನ್ನ ಸ್ವಯಂ ಪರಿಪೂರ್ಣತೆ ಸಾಧಿಸುವೆವೆಂಬ ನಿರ್ಧಾರದಿಂದ ಹಿಮ್ಮೆಟ್ಟುವಂತೆಯೇ ಇಲ್ಲ. ಆಹಾರ ಉತ್ಪನ್ನದ ಬಗ್ಗೆ ಈಗಾಗಲೇ ನಾವು ಪ್ರಗತಿ ಹೆಜ್ಜೆ ಇಡುತ್ತಿದ್ದೇವೆ’ ಎಂದು ರಾಷ್ಟ್ರಾಧ್ಯಕ್ಷ ಡಾ‌‌‌| ರಾಜೇಂದ್ರ ಪ್ರಸಾದ್‌ ಹೇಳಿದರು.