75 ವರ್ಷಗಳ ಹಿಂದೆ | ಸಿಂಧ್ ಹೈದ್ರಾಬಾದ್ ಜನರ ಮೇಲೆ ಗುಂಡು: 10 ಮರಣ

ಕರಾಚಿ, ಅ. 24– ಸೋಮವಾರ ರಾತ್ರಿ ಸಿಂಧ್ ಹೈದರಾಬಾದಿನಲ್ಲಿ ಉದ್ರೇಕಗೊಂಡ ಜನರ ಮೇಲೆ ಪೊಲೀಸರು ಗುಂಡು ಹಾರಿಸಿದ್ದರಿಂದ ಹತ್ತು ಮಂದಿ ಮೃತರಾದರು. 42 ಮಂದಿಗೆ ಗಾಯಗಳಾಗಿವೆ ಎಂದು ಕರಾಚಿಗೆ ಬಂದಿರುವ ಸುದ್ದಿಯಿಂದ ಗೊತ್ತಾಗಿದೆ.

ಮುಸಲ್ಮಾನರ ಎರಡು ಪಂಗಡಗಳಲ್ಲಿ ತೊಂದರೆಯನ್ನುಂಟು ಮಾಡಲು ಪ್ರಯತ್ನಿಸುತ್ತಿದ್ದರೆಂದು ಬೆಳಗ್ಗೆ ಮೂವರ ದಸ್ತಗಿರಿಯಾಗಿತ್ತೆಂದೂ, ಮೂವರನ್ನೂ ಬಿಡುಗಡೆ ಮಾಡಬೇಕೆಂದು ಹೈದರಾಬಾದಿನ (ಸಿಂಧ್) ನಗರ ಪೊಲೀಸ್ ಠಾಣೆ ಬಳಿ 20 ಸಾವಿರ ಜನರ ಗುಂಪು ಸೇರಿ ಉದ್ರೇಕಗೊಂಡಿದ್ದರಿಂದ ಗುಂಡು ಹಾರಿಸಬೇಕಾಯ್ತೆಂದು ಗೊತ್ತಾಗಿದೆ.