ಭಾರತ ಮತ್ತು ವೆಸ್ಟ್‌ ಇಂಡೀಸ್ ನಡುವಣ ಕ್ರಿಕೆಟ್ ಪಂದ್ಯ: ಘಂಟೆ ಬಾರಿಸಲಿರುವ ಸಚಿನ್

ಮುಂಬೈ: ಇದೇ 29ರಂದು ಬ್ರೆಬೋರ್ನ್ ಕ್ರೀಡಾಂಗಣದಲ್ಲಿ ನಡೆಯಲಿರುವ ಭಾರತ ಮತ್ತು ವೆಸ್ಟ್‌ ಇಂಡೀಸ್ ನಡುವಣ ಪಂದ್ಯಕ್ಕೆ ಹಿರಿಯ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ವಿಶೇಷ ಅತಿಥಿಯಾಗಿ ಬರಲಿದ್ದಾರೆ. ಆ ದಿನ ಅವರು ಇಲ್ಲಿರುವ ಬೃಹತ್ ಘಂಟೆಯನ್ನು ಬಾರಿಸುವ ಮೂಲಕ ಪಂದ್ಯವನ್ನು ಉದ್ಘಾಟಿಸಲಿದ್ದಾರೆ.

ಐದು ಪಂದ್ಯಗಳ ಸರಣಿಯ ನಾಲ್ಕನೇ ಪಂದ್ಯ ಇದಾಗಿದೆ. ಈ ಪಂದ್ಯವನ್ನು ವಾಂಖೆಡೆ ಕ್ರೀಡಾಂಗಣದಿಂದ ಬ್ರೆಬೋರ್ನ್ ಕ್ರೀಡಾಂಗಣಕ್ಕೆ ಸ್ಥಳಾಂತರ ಮಾಡಲಾಗಿತ್ತು.

ಸಚಿನ್ ಅವರು 15ನೇ ವರ್ಷದವರಾಗಿದ್ದಾಗಲೇ ಬ್ರೆಬೋರ್ನ್‌ ಕ್ರೀಡಾಂಗಣದಲ್ಲಿ ಸದಸ್ಯತ್ವ ನೀಡಲಾಗಿತ್ತು. ಇದೀಗ ಅವರನ್ನು ಆಹ್ವಾನಿಸಲು ಸಂತಸವಾಗುತ್ತದೆ ಎಂದು ಕ್ರಿಕೆಟ್‌ ಕ್ಲಬ್ ಆಫ್‌ ಇಂಡಿಯಾ (ಸಿಸಿಐ) ಕ್ರಿಕೆಟ್ ಕೆಫೆ ವೆಬ್‌ಸೈಟ್‌ಗೆ ತಿಳಿಸಿದೆ.