ಬಿಸಿಸಿಐ ಆಯ್ಕೆಗಾರ ಸ್ಥಾನಕ್ಕೆ ಸಂದರ್ಶನ: ಪ್ರಸಾದ್‌, ಜೋಶಿಗೆ ಕರೆ

ಮುಂಬೈ: ರಾಷ್ಟ್ರೀಯ ಆಯ್ಕೆ ಸಮಿತಿಗೆ ಇಬ್ಬರು ಆಯ್ಕೆಗಾರರನ್ನು ಆರಿಸಲು ನಡೆಸುವ ಸಂದರ್ಶನಕ್ಕೆ ಬಿಸಿಸಿಐನ ಕ್ರಿಕೆಟ್‌ ಸಲಹಾ ಸಮಿತಿ (ಸಿಎಸಿ) ಭಾರತ ತಂಡದ ಮಾಜಿ ವೇಗಿ ಬಿ.ಕೆ.ವೆಂಕಟೇಶ ಪ್ರಸಾದ್‌, ಸುನೀಲ್‌ ಜೋಶಿ ಸೇರಿದಂತೆ ಐವರ ಹೆಸರನ್ನು ಮಂಗಳವಾರ ಅಂತಿಮಗೊಳಿಸಿದೆ.

ಭಾರತ ತಂಡದ ಮಾಜಿ ಆಟಗಾರರಾದ ಮದನ್‌ ಲಾಲ್‌, ಆರ್‌.ಪಿ.ಸಿಂಗ್‌ ಮತ್ತು ಸುಲಕ್ಷಣಾ ನಾಯಕ್‌ ಅವರನ್ನು ಒಳಗೊಂಡ ಸಿಎಸಿ, ಸಭೆ ಸೇರಿ 44 ಮಂದಿಯ ಅರ್ಜಿಗಳನ್ನು ಪರಿಶೀಲಿಸಿತ್ತು.

ಸಿಎಸಿ, ಬುಧವಾರ ನಡೆಸುವ ಸಂದರ್ಶನಕ್ಕೆ ಭಾರತ ತಂಡದ ಮಾಜಿ ಆಟಗಾರರಾದ ಸುನೀಲ್‌ ಜೋಶಿ, ವೆಂಕಟೇಶ ಪ್ರಸಾದ್‌, ಎಲ್‌.ಶಿವರಾಮಕೃಷ್ಣನ್‌, ಹರ್ವಿಂದರ್‌ ಸಿಂಗ್‌ ಮತ್ತು ರಾಜೇಶ್‌ ಚೌಹಾಣ್‌ ಅವರನ್ನು ಕರೆಯಲಾಗಿದೆ ಎಂದು ಬಿಸಿಸಿಐನ ಮೂಲಗಳು ತಿಳಿಸಿವೆ. ಅಗರಕರ್‌ ಅವರು ಸಂದರ್ಶನಕ್ಕೆ ಅಂತಿಮಗೊಳಿಸಿದ ಪಟ್ಟಿಯಲ್ಲಿಲ್ಲ.