ಕಿಂಗ್ಸ್ಟನ್: ಹಿರಿಯ ಆಟಗಾರ ರಾಮ್ನರೇಶ್ ಸರವಣ್ ಮೇಲೆ ವಾಗ್ದಾಳಿ ನಡೆಸಿದ ’ಬಿಗ್ ಹಿಟ್ಟರ್’ ಕ್ರಿಸ್ ಗೇಲ್ ಅವರು ಶಿಕ್ಷೆಗೆ ಒಳಗಾಗುವ ಸಾಧ್ಯತೆ ನಿಚ್ಚಳವಾಗಿದೆ ಎಂದು ಕ್ರಿಕೆಟ್ ವೆಸ್ಟ್ ಇಂಡೀಸ್ ಮುಖ್ಯಸ್ಥ ರಿಕಿ ಸ್ಕೆರಿಟ್ ಹೇಳಿದ್ದಾರೆ. ಆದರೆ ಕ್ರಿಸ್ ಗೇಲ್ ಅವರ ಕ್ರಿಕೆಟ್ ಜೀವನಕ್ಕೆ ತೊಂದರೆಯಾಗುವಂಥ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಸಾಧ್ಯತೆ ಇಲ್ಲ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.
ಕೆರಿಬಿಯನ್ ಸೂಪರ್ ಲೀಗ್ನಲ್ಲಿ ಸೇಂಟ್ ಲೂಸಿಯಾ ಜೂಕ್ಸ್ ತಂಡದೊಂದಿಗೆ ಒಪ್ಪಂದ ಮಾಡಿಕೊಂಡಿರುವ ಗೇಲ್ ರಾಷ್ಟ್ರೀಯ ತಂಡದ ಸಹ ಆಟಗಾರ ಸರವಣ್ ಅವರನ್ನು ಕೊರೊನಾ ವೈರಸ್ಗಿಂತ ಅಪಾಯಕಾರಿ ಎಂದು ಜರೆದಿದ್ದರು. ಜಮೈಕಾ ತಲಾಸ್ ತಂಡದಿಂದ ತಾನು ಹೊರಬೀಳಲು ಸರವಣ್ ಕಾರಣ ಎಂದು ದೂರಿದ್ದರು.
’ವಿವಾದದ ಹಿನ್ನೆಲೆಯಲ್ಲಿ ಗೇಲ್ ಮತ್ತು ಕೆರಿಬಿಯನ್ ಪ್ರೀಮಿಯರ್ ಲೀಗ್ ಆಡಳಿತದವರ ನಡುವೆ ಈಗಾಗಲೇ ಚರ್ಚೆಗಳು ಆಗಿವೆ. ಇದು ಇಬ್ಬರ ಆಂತರಿಕ ವಿಷಯ. ಇದರಿಂದ ಕ್ರಿಸ್ ಗೇಲ್ ಅವರಂಥ ಅದ್ಭುತ ಆಟಗಾರನ ವೃತ್ತಿಜೀವನಕ್ಕೆ ತೊಂದರೆಯಾಗಬಾರದು’ ಎಂದು ಸ್ಕೆರಿಟ್ ಅಭಿಪ್ರಾಯಪಟ್ಟಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.