ಐಸಿಸಿಯೊಂದಿಗೆ ಕೈಜೋಡಿಸಿದ ಫೇಸ್‌ಬುಕ್

ದುಬೈ: ಅಂತರರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ಯೊಂದಿಗೆ ಅಧಿಕೃತ ಡಿಜಿಟಲ್ ಕಂಟೆಂಟ್ ಪಾಲುದಾರರರಾಗಿ ಫೇಸ್‌ಬುಕ್ ಸಾಮಾಜಿಕ ಜಾಲತಾಣ ಸಂಸ್ಥೆಯು ಒಪ್ಪಂದ ಮಾಡಿಕೊಂಡಿದೆ.

ಗುರುವಾರ ಈ ವಿಷಯವನ್ನು ಪ್ರಕಟಿಸಿರುವ ಐಸಿಸಿಯ ಮುಖ್ಯ ಕಾರ್ಯನಿರ್ವಾಹಕ ಮನು ಸವಾನಿ, ‘ಈ ರೀತಿಯ ಬಹುವರ್ಷ ಮತ್ತು ಬಹುಮಾರುಕಟ್ಟೆ ಒಪ್ಪಂದವು ಇದೇ ಮೊದಲ ಬಾರಿ ಮಾಡಿಕೊಳ್ಳಲಾಗಿದೆ. ವಿಶ್ವದ ಬಹುದೊಡ್ಡ ಸಾಮಾಜಿಕ ಜಾಲತಾಣದ ಮೂಲಕ ಕ್ರಿಕೆಟ್‌ ಅನ್ನು ಪ್ರಚುರಗೊಳಿಸಲು ವೇದಿಕೆ ಲಭಿಸಿದೆ’ ಎಂದಿದ್ದಾರೆ.

‘ಐಸಿಸಿಯೊಂದಿಗೆ ಕೈಜೋಡಿಸಿರುವುದು ಸಂತಸ ತಂದಿದೆ. ಕ್ರಿಕೆಟ್‌ನ ಅತ್ಯಂತ ರೋಚಕ ಕ್ಷಣಗಳನ್ನು ಫೇಸ್‌ಬುಕ್ ವಾಚ್ ಮತ್ತು ಚಾರ್ಟ್‌ ಮೂಲಕ ಜನರ ಬಳಿ ಕೊಂಡೊಯ್ಯಲು ಹರ್ಷವಾಗುತ್ತಿದೆ’ ಎಂದು ಫೇಸ್‌ಬುಕ್ ಇಂಡಿಯಾದ ಉಪಾಧ್ಯಕ್ಷ ಅಜಿತ್ ಮೋಹನ್ ಹೇಳಿದ್ದಾರೆ.