IND vs SA Test | ದ. ಆಫ್ರಿಕಾ ಮಾರಕ ಬೌಲಿಂಗ್: ಅಲ್ಪ ಮೊತ್ತಕ್ಕೆ ಕುಸಿದ ಭಾರತ

ಕೋಲ್ಕತ್ತ: ಇಲ್ಲಿನ ಈಡೆನ್ ಗಾರ್ಡನ್ಸ್ ಮೈದಾನದಲ್ಲಿ ನಡೆಯುತ್ತಿರುವ ಭಾರತ ಹಾಗೂ ದಕ್ಷಿಣ ಆಫ್ರಿಕಾ ತಂಡಗಳ ನಡುವಿನ ಮೊದಲ ಟೆಸ್ಟ್‌ನ ಎರಡನೇ ದಿನದಾಟದಲ್ಲಿ ದಕ್ಷಿಣ ಆಫ್ರಿಕಾ ಬೌಲರ್‌ಗಳು ಭಾರತಕ್ಕೆ ತಿರುಗೇಟು ನೀಡಿದರು. ಆ ಮೂಲಕ ಭಾರತ ತನ್ನ ಮೊದಲ ಇನಿಂಗ್ಸ್‌ನಲ್ಲಿ ಕೇವಲ 189\10 ಆಲೌಟ್ ಆಯಿತು.

ಊಟದ ವಿರಾಮದ ವೇಳೆಗೆ 138\4 ವಿಕೆಟ್ ಕಳೆದುಕೊಂಡಿದ್ದ ಭಾರತ, ದ್ವಿತೀಯ ಸೆಷನ್‌ನಲ್ಲಿ ದಿಢೀರ್ ಕುಸಿತ ಅನುಭವಿಸಿತು.

ದಕ್ಷಿಣ ಆಫ್ರಿಕಾ ಪರ ಮಿಂಚಿನ ಬೌಲಿಂಗ್ ದಾಳಿ ನಡೆಸಿದ ಸೈಮನ್ ಹಾರ್ಮರ್ (15.2–4–30–4) ಭಾರತದ ಕುಸಿತಕ್ಕೆ ಕಾರಣವಾದರು. ವೇಗಿ ಮಾರ್ಕೋ ಜಾನ್ಸನ್ (15–4–35–30) ಶಿಸ್ತಿನ ಬೌಲಿಂಗ್ ದಾಳಿಯಿಂದ ಭಾರತ ತಂಡ 62.2 ಓವರ್‌ಗಳಲ್ಲಿ 189 ರನ್‌ಗಳಿಗೆ ಆಲೌಟ್ ಆಯಿತು.

ಭಾರತದ ಪರ ಮೊದಲ ಇನಿಂಗ್ಸ್‌ನಲ್ಲಿ ಕೆ.ಎಲ್. ರಾಹುಲ್ (39 ರನ್) ಗಳಿಸಿ ಅತ್ಯಧಿಕ ರನ್ ಗಳಿಸಿದ ಆಟಗಾರ ಎನಿಸಿಕೊಂಡರು. ವಾಷಿಂಗ್‌ಟನ್ ಸುಂದರ್ (29), ರಿಷಬ್ ಪಂತ್ (27) ರನ್‌ ಹಾಗೂ ಆಲ್‌ರೌಂಡರ್ ರವೀಂದ್ರ ಜಡೇಜ (27) ರನ್ ಗಳಿಸಿ ಔಟ್ ಆದರು.

ಸದ್ಯ 30 ರನ್‌ಗಳ ಮೊದಲ ಇನಿಂಗ್ಸ್ ಹಿನ್ನಡೆಯೊಂದಿಗೆ ಎರಡನೇ ಇನಿಂಗ್ಸ್ ಆರಂಭಿಸಿರುವ ದಕ್ಷಿಣ ಆಫ್ರಿಕಾ ತಂಡ ಚಹಾ ವಿರಾಮದ ವೇಳೆಗೆ 1 ವಿಕೆಟ್ ಕಳೆದುಕೊಂಡು 18 ರನ್ ಗಳಿಸಿದೆ. 3 ರನ್ ಗಳಿಸಿರುವ ರಿಯಾನ್ ರಿಕಲ್ಟನ್ ಕ್ರೀಸ್‌ನಲ್ಲಿದ್ದಾರೆ.