ಶಾರ್ಜಾ: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಟ್ವೆಂಟಿ-20 ಕ್ರಿಕೆಟ್ ಟೂರ್ನಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್ಕೆ) ತಂಡದ ನಾಯಕ ಮಹೇಂದ್ರ ಸಿಂಗ್ ಧೋನಿ ಮಗದೊಂದು ಸ್ಮರಣೀಯ ದಾಖಲೆ ಬರೆದಿದ್ದಾರೆ.
ಸಿಎಸ್ಕೆ ಪರ ವಿಕೆಟ್ ಕೀಪರ್ ಆಗಿ 100 ಕ್ಯಾಚ್ಗಳನ್ನು ಪಡೆದ ಗೌರವಕ್ಕೆ ಮಹಿ ಭಾಜನರಾಗಿದ್ದಾರೆ.
ಗುರುವಾರ ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ನಡೆಯುತ್ತಿರುವ ಪಂದ್ಯದಲ್ಲಿ ಧೋನಿ,ಸಿಎಸ್ಕೆ ಪರ ವಿಕೆಟ್ ಕೀಪರ್ ಆಗಿ ಕ್ಯಾಚ್ಗಳ ಶತಕದ ವಿಶಿಷ್ಟ ಮೈಲಿಗಲ್ಲು ಕ್ರಮಿಸಿದರು.
ವಿಕೆಟ್ ಹಿಂದುಗಡೆ ಸದಾ ಅದ್ಭುತ ಕೌಶಲ್ಯವನ್ನು ಪ್ರದರ್ಶಿಸಿರುವ 40 ವರ್ಷದ ಧೋನಿ, ಈ ಪಂದ್ಯದಲ್ಲಿ ಒಟ್ಟು ಮೂರು ಕ್ಯಾಚ್ಗಳನ್ನು ಹಿಡಿದಿದ್ದಾರೆ.
ಅಲ್ಲದೆ ಜೇಸನ್ ರಾಯ್, ವೃದ್ದಿಮಾನ್ ಸಹಾ ಹಾಗೂ ಪ್ರಿಯಂ ಗಾರ್ಗ್ ಅವರನ್ನು ಹೊರದಬ್ಬುವಲ್ಲಿ ನೆರವಾದರು.
ಅಂದ ಹಾಗೆ ಐಪಿಎಲ್ನಲ್ಲಿ ಇದುವರೆಗೆ 215 ಪಂದ್ಯಗಳನ್ನು ಆಡಿರುವ ಧೋನಿ ಒಟ್ಟು 123 ಕ್ಯಾಚ್ ಹಾಗೂ 39 ಸ್ಟಂಪಿಂಗ್ ದಾಖಲೆಯನ್ನು ಹೊಂದಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.