ವಾಸ್ಕೋ:ಕೆವಿಸ್ ಅಪ್ಪೈ ಗಳಿಸಿದ ಏಕೈಕ ಗೋಲಿನ ಬಲದಿಂದ ನಾರ್ತ್ಈಸ್ಟ್ ಯುನೈಟೆಡ್ ತಂಡವು ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಟೂರ್ನಿಯಲ್ಲಿ ಶನಿವಾರದ ಪಂದ್ಯದಲ್ಲಿ ಜಯಿಸಿತು.
ತಿಲಕ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ನಾರ್ತ್ ಈಸ್ಟ್ ತಂಡವು 1–0ಯಿಂದ ಮುಂಬೈ ಸಿಟಿ ವಿರುದ್ಧ ಜಯಿಸಿತು. ಹೊಸ ಪ್ರತಿಭಾನ್ವಿತರು ತುಂಬಿರುವ ಮುಂಬೈ ತಂಡಕ್ಕೆ ಕಠಿಣ ಸವಾಲೊಡ್ಡಿದ್ದ ನಾರ್ತ್ ಈಸ್ಟ್, ಆಲ್ರೌಂಡ್ ಆಟವಾಡಿತು.
49ನೇ ನಿಮಿಷದಲ್ಲಿ ಲಭಿಸಿದ ಪೆನಾಲ್ಟಿಯಲ್ಲಿ ಅಪೈ ಗೋಲು ಬಾರಿಸಿದರು. ನಂತರದ ಆಟದಲ್ಲಿ ತಂಡವು ರಕ್ಷಣಾತ್ಮಕವಾಗಿ ಆಡಿ ಮುಂಬೈ ಮೇಲಿನ ಒತ್ತಡ ಹೆಚ್ಚಿಸಿತು.
ಆರಂಭಿಕ ಹಂತದಲ್ಲಿ ಮುಂಬೈ ತಂಡವು ತುಸು ಆಕ್ರಮಣಕಾರಿ ಆಟವಾಡಿತು. ಹೆಚ್ಚು ಹೊತ್ತು ಚೆಂಡನ್ನು ತನ್ನ ನಿಯಂತ್ರಣದಲ್ಲಿರುವಂತೆ ನೋಡಿಕೊಂಡಿತ್ತು. ಆದರೆ ನಾರ್ತ್ಈಸ್ಟ್ ರಕ್ಷಣಾ ಪಡೆಯು ಚಾಣಾಕ್ಷತನ ಮೆರೆಯಿತು. 43ನೇ ನಿಮಿಷದಲ್ಲಿ ಮುಂಬೈ ತಂಡದ ಅಹಮದ್ ಜಹುವಾ ಒರಟು ಆಟಕ್ಕೆ ದಂಡ ತೆತ್ತರು. ಮೊರಾಕ್ಕೊದ ಜಹುವಾ, ಎದುರಾಳಿ ಆಟಗಾರರು ಮತ್ತು ರೆಫರಿ ಜೊತೆಗೆ ಮಾತಿನ ಚಕಮಕಿ ನಡೆಸಿದ್ದರಿಂದ ಕೆಂಪು ಕಾರ್ಡ್ ಪಡೆದು ನಡೆದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.