T20 World Cup: ಶ್ರೀಲಂಕಾಕ್ಕೆ ಮಣಿದ ಐರ್ಲೆಂಡ್

ಕೊಲಂಬೊ: ಆಲ್‌ರೌಂಡ್‌ ಆಟ ಆಡಿದ ಶ್ರೀಲಂಕಾ ತಂಡವು ಟಿ20 ವಿಶ್ವಕಪ್ ಟೂರ್ನಿಯ ಬಿ ಗುಂಪಿನ ಪಂದ್ಯದಲ್ಲಿ ಐರ್ಲೆಂಡ್ ಎದುರು 20 ರನ್‌ಗಳ ಜಯ ಸಾಧಿಸಿತು.

ಬ್ಯಾಟಿಂಗ್‌ಗೆ ಇಳಿಸಲ್ಪಟ್ಟ ಶ್ರೀಲಂಕಾ ತಂಡವು ಕುಸಾಲ ಮೆಂಡಿಸ್ (56; 43ಎ, 4x5) ಮತ್ತು ಕಮಿಂದು ಮೆಂಡಿಸ್ (44; 19ಎ, 4x4, 6x2) ಅವರ ಅಮೋಘ ಬ್ಯಾಟಿಂಗ್ ಬಲದಿಂದ 20 ಓವರ್‌ಗಳಲ್ಲಿ 6 ವಿಕೆಟ್‌ಗಳಿಗೆ 163 ರನ್ ಗಳಿಸಿತು.

ಐರ್ಲೆಂಡ್‌ ತಂಡವು ಮಹೀಷ ತೀಕ್ಷಣ (23ಕ್ಕೆ4) ಹಾಗೂ ವನಿಂದು ಹಸರಂಗಾ (25ಕ್ಕೆ3) ಅವರ ಪರಿಣಾಮಕಾರಿ ಬೌಲಿಂಗ್‌ ಎದುರು 19.5 ಓವರ್‌ಗಳಲ್ಲಿ 143 ರನ್‌ಗಳಿಗೆ ಆಲೌಟ್‌ ಆಯಿತು. ರಾಸ್‌ ಅಡೇರ್‌ (34; 23ಎ, 4x5, 6x1) ಹಾಗೂ ಹ್ಯಾರಿ ಟೆಕ್ಟರ್‌ (40; 34ಎ, 4x1) ಹೊರತುಪಡಿಸಿ ಉಳಿದ ಬ್ಯಾಟರ್‌ಗಳು ವೈಫಲ್ಯ ಕಂಡರು.

ಸಂಕ್ಷಿಪ್ತ ಸ್ಕೋರು:

ಶ್ರೀಲಂಕಾ: 20 ಓವರ್‌ಗಳಲ್ಲಿ 6 ವಿಕೆಟ್‌ಗಳಿಗೆ 163 (ಪಥುಮ್ ನಿಸಾಂಕ 24, ಕುಸಾಲ ಮೆಂಡಿಸ್ ಔಟಾಗದೇ 56, ಕಮಿಂದು ಮೆಂಡಿಸ್ 44, ಜಾರ್ಜ್ ಡಾಕ್ರೆಲ್ 17ಕ್ಕೆ2, ಬ್ಯಾರಿ ಮೆಕಾರ್ತಿ 40ಕ್ಕೆ2, ಗೆರೆತ್ ಡೆಲಾನಿ 24ಕ್ಕೆ1) 

ಐರ್ಲೆಂಡ್: 19.5 ಓವರ್‌ಗಳಲ್ಲಿ 143 (ರಾಸ್‌ ಅಡೇರ್‌ 34, ಹ್ಯಾರಿ ಟೆಕ್ಟರ್‌ 40; ಮಹೀಷ ತೀಕ್ಷಣ 23ಕ್ಕೆ4, ವನಿಂದು ಹಸರಂಗಾ 25ಕ್ಕೆ3).