WPL| ಬ್ಯಾಟಿಂಗ್ನಲ್ಲಿ ಮಿಂಚಿದ ಮೆಗ್ ಲ್ಯಾನಿಂಗ್: ಮುಂಬೈಗೆ 188 ರನ್ ಗುರಿ
ಮುಂಬೈ: ಮಹಿಳಾ ಪ್ರೀಮಿಯರ್ ಲೀಗ್ (ಡಬ್ಲ್ಯೂಪಿಎಲ್) ಟೂರ್ನಿಯ 10ನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ ಯುಪಿ ವಾರಿಯರ್ಸ್ ತಂಡವು 20 ಓವರ್ಗಳ ಅಂತ್ಯಕ್ಕೆ 8 ವಿಕೆಟ್ ನಷ್ಟಕ್ಕೆ 187 ರನ್ ಗಳಿಸಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಯುಪಿ ವಾರಿಯರ್ಸ್ ತಂಡದ ಆರಂಭಿಕ ಬ್ಯಾಟರ್ ಕಿರಣ್ ನವಗಿರೆ, ಶೂನ್ಯಕ್ಕೆ ಪೆವಿಲಿಯನ್ ಸೇರಿದರು.
ಆರಂಭದಲ್ಲೇ ವಿಕೆಟ್ ಕಳೆದುಕೊಂಡ ಯುಪಿ ವಾರಿಯರ್ಸ್ ತಂಡಕ್ಕೆ ನಾಯಕಿ ಮೆಗ್ ಲ್ಯಾನಿಂಗ್, ಕೇವಲ 45 ಎಸೆತಗಳಲ್ಲಿ 70 ರನ್ಗಳಿಸುವ ಮೂಲಕ ಆಸರೆಯಾದರು.
3ನೇ ವಿಕೆಟ್ಗೆ ಬ್ಯಾಟಿಂಗ್ ಬಂದ ಫೋಬೆ ಲಿಚ್ಫೀಲ್ಡ್ (61 ರನ್; 37 ಎಸೆತ) ಹಾಗೂ ಮೆಗ್ ಲ್ಯಾನಿಂಗ್ 119 ರನ್ಗಳ(74 ಎಸೆತ) ಜೊತೆಯಾಟವಾಡಿದರು.
ಡೆತ್ ಓವರ್ನಲ್ಲಿ ಮಿಂಚಿದ ಮುಂಬೈ ಇಂಡಿಯನ್ಸ್ ಬೌಲರ್ಗಳು, ನಿಖರ ಬೌಲಿಂಗ್ ಮಾಡುವ ಮೂಲಕ 200 ರನ್ ಗಡಿ ದಾಟುವುದನ್ನು ತಪ್ಪಿಸಿದರು. ಅಮೆಲಿಯಾ ಕೆರ್ 3 ವಿಕೆಟ್, ನ್ಯಾಟ್ ಸಿವರ್-ಬ್ರಂಟ್ 2 ವಿಕೆಟ್ ಪಡೆದು ಮಿಂಚಿದರು.
ಪಂದ್ಯ ಗೆಲ್ಲಲು ಮುಂಬೈ ಇಂಡಿಯನ್ಸ್ ತಂಡವು 188 ರನ್ ಗಳಿಸಬೇಕಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.