ಇನ್‌ಸ್ಟಾಗ್ರಾಂ ಮೂಲಕ ರೊನಾಲ್ಡೊ ಪಡೆಯುವ ವಾರ್ಷಿಕ ಆದಾಯ ₹ 378 ಕೋಟಿ!
ಒಂದು ಪೋಸ್ಟ್ ಹಾಕಿದರೆ ಸಿಗುತ್ತೆ ₹ 7 ಕೋಟಿ
ನವದೆಹಲಿ: ಪೋರ್ಚುಗಲ್ ಫುಟ್‌ಬಾಲ್‌ ತಾರೆ ಕ್ರಿಸ್ಟಿಯಾನೊ ರೊನಾಲ್ಡೊ ಅವರನ್ನುಇನ್‌ಸ್ಟಾಗ್ರಾಂನಲ್ಲಿ ಬರೋಬ್ಬರಿ 20 ಕೋಟಿ 41ಲಕ್ಷಜನರು ಹಿಂಬಾಲಿಸುತ್ತಿದ್ದು, ಇಷ್ಟು ಸಂಖ್ಯೆಯ ಹಿಂಬಾಲಕರನ್ನು ಹೊಂದಿರುವ ಮೊದಲಿಗ ಎಂಬ ಖ್ಯಾತಿ ಅವರದ್ದಾಗಿದೆ.
ಇದಕ್ಕೆ ಸಂಬಂಧಿಸಿದ ವಿಡಿಯೊವನ್ನು ಹಂಚಿಕೊಂಡಿರುವ ರೊನಾಲ್ಡೊ,‘ವಾವ್‌ 200 ಮಿಲಿಯನ್‌!!! ಈ ಪ್ರಯಾಣವನ್ನು ಪ್ರತಿನಿತ್ಯ ನನ್ನೊಂದಿಗೆ ಹಂಚಿಕೊಂಡ ಪ್ರತಿಯೊಬ್ಬರಿಗೂ ಧನ್ಯವಾದಗಳು!!’ ಎಂದು ಬರೆದುಕೊಂಡಿದ್ದಾರೆ.
ಇನ್‌ಸ್ಟಾಗ್ರಾಂನ ಮಾರ್ಕೆಟಿಂಗ್‌ ಸಂಸ್ಥೆ ಹಾಪರ್‌ ಪ್ರಕಾರ ಪೋರ್ಚುಗಲ್ ತಂಡದ ನಾಯಕ ಕ್ರಿಸ್ಟಿಯಾನೊ ರೊನಾಲ್ಡೊ ತಾವು ಹಂಚಿಕೊಳ್ಳುವ ಪ್ರತಿಯೊಂದು ಪ್ರಾಯೋಜಿತ ಪೋಸ್ಟ್‌ಗೂ ಅಂದಾಜು ₹ 7 ಕೋಟಿ (9 ಲಕ್ಷ ಯುರೋ)ಆದಾಯ ಗಳಿಸುತ್ತಾರೆ. ಅದರಂತೆ ಪ್ರತಿ ವರ್ಷ ಅವರು ಅಂದಾಜು ₹ 378 ಕೋಟಿ (48 ಮಿಲಿಯನ್‌ ಯುರೋ)ಆದಾಯ ಗಳಿಸುತ್ತಾರೆ. ಈ ಮೊತ್ತವು ಅವರು ಪ್ರತಿನಿಧಿಸುವ ಯುವಂಟಸ್‌ ಫುಟ್‌ಬಾಲ್‌ ಕ್ಲಬ್‌ನಲ್ಲಿ ಗಳಿಸುವ ಮೊತ್ತಕ್ಕಿಂತಲೂ ಅಧಿಕವಾಗಿದೆ.
ಸದ್ಯ ರೊನಾಲ್ಡೊಗೆ ಯುವಂಟಸ್‌ ವಾರ್ಷಿಕ ಅಂದಾಜು ₹ 267 ಕೋಟಿ (34 ಮಿಲಿಯನ್‌ ಯುರೋ) ನೀಡುತ್ತಿದೆ. ಇನ್‌ಸ್ಟಾಗ್ರಾಂನಲ್ಲಿ ಹೆಚ್ಚು ಆದಾಯ ಹೊಂದಿರುವ ಮತ್ತೊಬ್ಬ ವ್ಯಕ್ತಿ ಲಿಯೋನೆಲ್‌ ಮೆಸ್ಸಿ. ಅರ್ಜೆಂಟಿನಾ ಫುಟ್‌ಬಾಲ್‌ ತಂಡದ ನಾಯಕನಾಗಿರುವ ಮೆಸ್ಸಿಅಂದಾಜು ₹ 183 (23.3 ಮಿಲಿಯನ್‌ ಯುರೋ) ಆದಾಯ ಗಳಿಸುತ್ತಾರೆ.
‘ಯುವಂಟಸ್‌ ಆಟಗಾರ ರೊನಾಲ್ಡೊ, ಫೇಸ್‌ಬುಕ್‌ನಲ್ಲಿಯೂ ಅತಿಹೆಚ್ಚು ಜನರು ಇಷ್ಟಪಡುವ ಮತ್ತುಹಿಂಬಾಲಿಸುವ ವ್ಯಕ್ತಿಯಾಗಿದ್ದಾರೆ’ಎಂದುಹಾಪರ್‌ ತಿಳಿಸಿದೆ. ಫೇಸ್‌ಬುಕ್‌ನಲ್ಲಿ ರೊನಾಲ್ಡೊಗೆ12.44 ಕೋಟಿ ಹಿಂಬಾಲಕರಿದ್ದಾರೆ.
ರೊನಾಲ್ಡೊ ನಂತರ ಅತಿಹೆಚ್ಚು ಹಿಂಬಾಲಕರನ್ನು ಹೊಂದಿರುವವರು
| ಸ್ಥಾನ | ಹೆಸರು | ದೇಶ | ಕ್ಷೇತ್ರ/ಸಾಧನೆ | ಹಿಂಬಾಲಕರು |
| 02 | ಎರಿಯಾನ ಗ್ರಾಂಡೆ | ಅಮೆರಿಕ | ಗಾಯಕಿ | 17.3 ಕೋಟಿ |
| 03 | ದಿ ರಾಕ್‌ ಖ್ಯಾತಿಯ ಡ್ವೇನ್‌ ಜಾನ್ಸನ್‌ | ಅಮೆರಿಕ | ನಟ | 17ಕೋಟಿ |
| 04 | ಸಲೀನಾ ಗೋಮೆಜ್‌ | ಅಮೆರಿಕ | ಗಾಯಕಿ | 16.7 ಕೋಟಿ |
| 05 | ಕೈಲೀ ಜೆನ್ನರ್‌ | ಅಮೆರಿಕ | ಕಿರುತೆರೆ | 16.7 ಕೋಟಿ |
| 06 | ಕಿಮ್‌ ಕರ್ದಾಶಿಯನ್‌ | ಅಮೆರಿಕ | ರೂಪದರ್ಶಿ | 15.8 ಕೋಟಿ |
| 07 | ಲಿಯೊನೆಲ್‌ ಮೆಸ್ಸಿ | ಅರ್ಜೆಂಟಿನಾ | ಫುಟ್‌ಬಾಲ್‌ | 14.8ಕೋಟಿ |
| 08 | ಬಿಯಾಂಕೆ | ಅಮೆರಿಕ | ಗಾಯಕಿ | 13.9 ಕೋಟಿ |
| 09 | ನೇಯ್ಮರ್‌ | ಬ್ರೆಜಿಲ್‌ | ಫುಟ್‌ಬಾಲ್‌ | 13.2 ಕೋಟಿ |
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.