ಗ್ಲ್ಯಾಂಡರ್ಸ್‌: ಚಳಿಗಾಲದ ಬೆಂಗಳೂರು ರೇಸ್‌ ರದ್ದು

ಬೆಂಗಳೂರು: ಬೆಂಗಳೂರು ಟರ್ಫ್‌ ಕ್ಲಬ್‌ (ಬಿಟಿಸಿ) ನಲ್ಲಿ ಬೀಡುಬಿಟ್ಟಿರುವ ಕೆಲವು ಕುದುರೆಗಳಿಗೆ ಗ್ಲ್ಯಾಂಡರ್ಸ್‌ ರೋಗದ ಸೋಂಕು ದೃಢಪಟ್ಟ ಕಾರಣ ಚಳಿಗಾಲದ ಉಳಿದ ರೇಸ್‌ಗಳನ್ನು ರದ್ದು ಮಾಡಲಾಗಿದೆ ಎಂದು ಬಿಟಿಸಿ ಶುಕ್ರವಾರ ತಿಳಿಸಿದೆ.

ಬಿಟಿಸಿ ಆವರಣವನ್ನು ಗ್ಲ್ಯಾಂಡರ್ಸ್‌ ಕೇಂದ್ರಿಕೃತ ಪ್ರದೇಶವೆಂದು ಸರ್ಕಾರ ಗುರುತಿಸಿದೆ. ಇಲ್ಲಿನ ಸುತ್ತಮುತ್ತ 2 ಕಿಲೋ ಮೀಟರ್‌ ವ್ಯಾಪ್ತಿಯಲ್ಲಿ ಕುದುರೆ, ಕತ್ತೆ, ಹೇಸರಗತ್ತೆಗಳ ಚಲನವಲನ, ಮನರಂಜನೆ, ಮೆರವಣಿಗೆ ನಿರ್ಬಂಧಿಸಿ ಆದೇಶ ಹೊರಡಿಸಿದೆ.

ಗ್ಲ್ಯಾಂಡರ್ಸ್‌ ಸೋಂಕು ತಡೆಗಟ್ಟಲು ಮುನ್ನೆಚರಿಕೆ ಕ್ರಮವಾಗಿ ಇದೇ ತಿಂಗಳ 5, 11, 12 ಮತ್ತು 19ರಂದು ನಿಗದಿಯಾಗಿದ್ದ ರೇಸ್‌ಗಳನ್ನು ಬಿಟಿಸಿ ರದ್ದುಮಾಡಿತ್ತು.