ಪಿವಿಎಲ್‌: ಅಹಮದಾಬಾದ್‌ ಡಿಫೆಂಡರ್ಸ್‌ಗೆ ರೋಚಕ ಜಯ

ಹೈದರಾಬಾದ್‌: ಆರಂಭಿಕ ಹಿನ್ನಡೆಯಿಂದ ಪುಟಿದೆದ್ದ ಅಹಮದಾಬಾದ್‌ ಡಿಫೆಂಡರ್ಸ್‌ ತಂಡವು ಪ್ರೈಮ್‌ ವಾಲಿಬಾಲ್‌ ಲೀಗ್‌ (ಪಿವಿಎಲ್‌) ಪಂದ್ಯದಲ್ಲಿ ಶನಿವಾರ 13–15, 13–15, 15–13, 15–8, 18–16ರಿಂದ ದೆಹಲಿ ತೂಫಾನ್ಸ್‌ ತಂಡದ ಎದುರು ರೋಚಕ ಜಯ ಸಾಧಿಸಿತು.

ಗಚ್ಚಿಬೌಲಿ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಟೂರ್ನಿಯಲ್ಲಿ ಅಹಮದಾಬಾದ್‌ ತಂಡವು ಆರಂಭಿಕ ಎರಡು ಸೆಟ್‌ಗಳಲ್ಲಿ ಹಿನ್ನಡೆ ಸಾಧಿಸಿತ್ತು. ಬಳಿಕ ಲಯ ಕಂಡುಕೊಂಡ ಡಿಫೆಂಡರ್ಸ್‌ ಆಟಗಾರರು ಗೆಲುವು ಕಸಿದುಕೊಂಡು ದೆಹಲಿ ತಂಡಕ್ಕೆ ಆಘಾತ ನೀಡಿದರು.