ಕಬಡ್ಡಿ: ದಬಂಗ್‌ ಡೆಲ್ಲಿ ತಂಡಕ್ಕೆ ಜಯ
Published 30 ನವೆಂಬರ್ 2018, 20:15 IST
ದಬಂಗ್‌ ತಂಡದ ಮೆರಾಜ್‌ ಶೇಖ್‌ (ಬಲ) ಜೈಪುರ ಪಿಂಕ್‌ ಪ್ಯಾಂಥರ್ಸ್‌ ಆಟಗಾರನನ್ನು ಔಟ್‌ ಮಾಡಲು ಪ್ರಯತ್ನಿಸಿದರು
ನವದೆಹಲಿ: ಮೆರಾಜ್‌ ಶೇಖ್‌, ನವೀನ್‌ ಕುಮಾರ್‌ ಮತ್ತು ಚಂದ್ರನ್‌ ರಂಜಿತ್‌ ಅವರು ಅಮೋಘ ಆಟದ ಮೂಲಕ ಶುಕ್ರವಾರ ತ್ಯಾಗರಾಜ ಒಳಾಂಗಣ ಕ್ರೀಡಾಂಗಣದಲ್ಲಿ ಸೇರಿದ್ದ ತವರಿನ ಅಭಿಮಾನಿಗಳನ್ನು ರಂಜಿಸಿದರು.
ಇವರ ಮಿಂಚಿನ ರೇಡಿಂಗ್ ನೆರವಿನಿಂದ ದಬಂಗ್‌ ಡೆಲ್ಲಿ ತಂಡ ಪ್ರೊ ಕಬಡ್ಡಿ ಲೀಗ್‌ (ಪಿಕೆಎಲ್‌) ಪಂದ್ಯದಲ್ಲಿ 48–35 ಪಾಯಿಂಟ್ಸ್‌ನಿಂದ ಜೈಪುರ ಪಿಂಕ್‌ ಪ್ಯಾಂಥರ್ಸ್‌ ತಂಡವನ್ನು ಸೋಲಿಸಿತು.
ದಬಂಗ್‌ ತಂಡದ ಮೆರಾಜ್‌ ಒಟ್ಟು 15 ಪಾಯಿಂಟ್ಸ್‌ ಗಳಿಸಿದರು. ನವೀನ್‌ ಮತ್ತು ಚಂದ್ರನ್‌ ತಲಾ ಒಂಬತ್ತು ಪಾಯಿಂಟ್ಸ್‌ ಕಲೆಹಾಕಿದರು.ಪಿಂಕ್‌ ಪ್ಯಾಂಥರ್ಸ್‌ ಪರ ದೀಪಕ್‌ ಹೂಡಾ ಏಕಾಂಗಿ ಹೋರಾಟ ನಡೆಸಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.