ಫುಟ್‌ಬಾಲ್‌ ಲೀಗ್‌ ಟೂರ್ನಿ: ಬಿಎಫ್‌ಸಿ ತಂಡ ಚಾಂಪಿಯನ್‌
Published 23 ನವೆಂಬರ್ 2023, 16:34 IST
ಚಾಂಪಿಯನ್‌ ಆದ ಬಿಎಫ್‌ಸಿ ತಂಡಕ್ಕೆ ಕೆಎಸ್‌ಎಫ್‌ಎ ಪ್ರಧಾನ ಕಾರ್ಯದರ್ಶಿ ಎಂ. ಕುಮಾರ್ ಟ್ರೋಫಿ ಪ್ರದಾನ ಮಾಡಿದರು. ಬಿಡಿಎಫ್‌ಎ ಅಧ್ಯಕ್ಷ ಎಸ್‌.ಎಂ. ಬಾಲು, ಕಾರ್ಯದರ್ಶಿ ಎಂ.ಶ್ರೀಧರನ್‌, ಖಜಾಂಚಿ ಜೆ. ಸಂತೋಷ್‌ ಕುಮಾರ್ ಇದ್ದರು
ಬೆಂಗಳೂರು: ಬಿಎಫ್‌ಸಿ ತಂಡವು ಬಿಡಿಎಫ್‌ಎ ಸೂಪರ್‌ ಡಿವಿಷನ್‌ ಫುಟ್‌ಬಾಲ್‌ ಲೀಗ್‌ ಟೂರ್ನಿಯಲ್ಲಿ ಚಾಂಪಿಯನ್‌ ಕಿರೀಟ ಜಯಿಸಿತು.
ಬೆಂಗಳೂರು ಫುಟ್‌ಬಾಲ್‌ ಕ್ರೀಡಾಂಗಣದಲ್ಲಿ ಗುರುವಾರ ನಡೆದ ಪಂದ್ಯದಲ್ಲಿ ಬಿಎಫ್‌ಸಿ ತಂಡವು ಸ್ಪೋರ್ಟಿಂಗ್‌ ಕ್ಲಬ್‌ ಬೆಂಗಳೂರು ತಂಡದೊಂದಿಗೆ ಗೋಲುರಹಿತವಾಗಿ ಡ್ರಾ ಸಾಧಿಸಿತು.
ಟೂರ್ನಿಯಲ್ಲಿ ಉತ್ತಮ ಪ್ರದರ್ಶನ ನೀಡಿದ ಚಾಂಪಿಯನ್‌ ಬಿಎಫ್‌ಸಿ ತಂಡವು ಜಾರ್ಜ್‌ ಹೂವರ್‌ ಕಪ್ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿತು. ರನ್ನರ್‌ ಅಪ್‌ ಆದ ಸ್ಪೋರ್ಟಿಂಗ್‌ ಕ್ಲಬ್‌ ತಂಡವು ಸಿ.ಎಂ.ಎಚ್.ಬಾಷಾ ಕಪ್ ಪಡೆಯಿತು.
ಫೇರ್‌ ಪ್ಲೇ ಪ್ರಶಸ್ತಿಯು ಎಚ್‌ಎಎಲ್‌ ಎಫ್‌ಸಿ ತಂಡದ ಪಾಲಾಯಿತು. ಕೊಡಗು ಎಫ್‌ಸಿ ತಂಡದ ಶ್ಲೋಕ್‌ ತಿವಾರಿ ಅವರು (17 ಗೋಲು) ಗರಿಷ್ಠ ಗೋಲು ಗಳಿಸಿದ ಆಟಗಾರ ಎನಿಸಿಕೊಂಡರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.