ಶೂಟಿಂಗ್‌: ವಿಕ್ರಾಂತ್‌, ಆಯುಷಿಗೆ ಚಿನ್ನ

ಭೋಪಾಲ್: ಉತ್ತರ ಪ್ರದೇಶದ ವಿಕ್ರಾಂತ್ ಶರ್ಮಾ ಮತ್ತು ಆಯುಷಿ ಗುಪ್ತಾ ಜೋಡಿ ಇಲ್ಲಿ ನಡೆಯುತ್ತಿರುವ 63ನೇ ರಾಷ್ಟ್ರೀಯ ಶೂಟಿಂಗ್ ಚಾಂಪಿಯನ್‌ಷಿಪ್‌ನ 10 ಮೀಟರ್ಸ್ ಏರ್ ರೈಫಲ್ ಮಿಶ್ರ ವಿಭಾಗದ ಚಿನ್ನ ಗೆದ್ದುಕೊಂಡರು.

ಶನಿವಾರ ನಡೆದ ಫೈನಲ್‌ ಪಂದ್ಯದಲ್ಲಿ ಈ ಜೋಡಿ ಹರಿಯಾಣದ ಪಂಕಜ್ ಕುಮಾರ್ ಮತ್ತು ಹರ್ಷಿತಾ ದಹಿಯಾ ಅವರನ್ನು 16–8ರಲ್ಲಿ ಮಣಿಸಿದರು. 10 ಮೀಟರ್ಸ್ ಏರ್ ರೈಫಲ್ ಮಿಶ್ರ ಜೂನಿಯರ್ ವಿಭಾಗದಲ್ಲಿ ಮಹಾರಾಷ್ಟ್ರದ ರುದ್ರಾಕ್ಷ ಪಾಟೀಲ್ ಮತ್ತು ಜಾಹ್ನವಿ ಖನ್ವಿಲ್ಕರ್ ಚಿನ್ನ ಗಳಿಸಿದರು. ಪಶ್ಚಿಮ ಬಂಗಾಳದ ಶ್ರಿಂಜಯ್ ದತ್ತಾ ಮತ್ತು ಮೇಹುಲಿ ಘೋಷ್ ಜೋಡಿಯನ್ನು ಫೈನಲ್‌ನಲ್ಲಿ ಅವರು 17–13ರಲ್ಲಿ ಸೋಲಿಸಿದರು.