ರಷ್ಯನ್‌ ಯುವತಿಯರ ಮೊಬೈಲ್‌ ಸಂಖ್ಯೆಗೆ ಭಾರಿ ಬೇಡಿಕೆ!
ಮಾಸ್ಕೊ: ತಮ್ಮ ತಂಡ ಗಳಿಗೆ ಬೆಂಬಲ ನೀಡಲು ಇಲ್ಲಿಗೆ ಬಂದಿರುವ ಲಕ್ಷಾಂತರ ಫುಟ್‌ಬಾಲ್‌ ಅಭಿಮಾನಿಗಳು ಕೇವಲ ಗೋಲುಗಳ ಸಂಖ್ಯೆಯನ್ನು ಮಾತ್ರ ಲೆಕ್ಕ ಹಾಕುತ್ತಿಲ್ಲ. ಬದಲಿಗೆ ಇಲ್ಲಿನ ಎಷ್ಟು ಯುವತಿಯರಿಂದ ಮೊಬೈಲ್‌ ಸಂಖ್ಯೆಗಳನ್ನು ಪಡೆದುಕೊಂಡಿದ್ದೇವೆ ಎಂಬುದರ ಬಗ್ಗೆಯೂ ಮಾತನಾಡುತ್ತಿದ್ದಾರೆ!
ಅರ್ಜೆಂಟೀನಾ ತಂಡಕ್ಕೆ ಬೆಂಬಲ ನೀಡಲು ಇಲ್ಲಿಗೆ ಬಂದಿರುವ ಆಗ ಸ್ಟಿಯನ್‌ ಓಟೆಲೊ ಹಾಗೂ ಆತನ ಗೆಳೆಯರು ಈ ಬಗ್ಗೆ ಹೆಮ್ಮೆಯಿಂದ ಬಡಾಯಿ ಕೊಚ್ಚಿಕೊಳ್ಳುತ್ತಿದ್ದಾರೆ. ಹೆಚ್ಚಿನ ಸಂಖ್ಯೆಯ ಹುಡುಗಿಯರಿಂದ ಮೊಬೈಲ್‌ ಸಂಖ್ಯೆಗಳನ್ನು ಯಾರು ಪಡೆಯುತ್ತಾರೆ ಎಂಬ ಬಗ್ಗೆ ತಮ್ಮ ಬಳಗದಲ್ಲಿಯೇ ಈ ಯುವಕರು ಸ್ಪರ್ಧೆ ಮಾಡುತ್ತಿದ್ದಾರೆ. ಇದರಿಂದಾಗಿ ರಷ್ಯನ್‌ ಯುವತಿಯರ ಮೊಬೈಲ್‌ ಸಂಖ್ಯೆಗೆ ಭಾರಿಬೇಡಿಕೆ ಉಂಟಾಗಿದೆ.
‘ನಮ್ಮ ತಂಡದ ಪಂದ್ಯಗಳ ನಂತ ರದ ಸಮಯದಲ್ಲಿ ಏನು ಮಾಡುವುದು ಎಂಬ ಬಗ್ಗೆ ತಿಳಿದಿಲ್ಲ. ಆದ್ದರಿಂದ ಇಲ್ಲಿನ ಜನರೊಂದಿಗೆ ಸ್ನೇಹ ಬೆಳೆಸಿಕೊಳ್ಳಬೇಕೆಂದು ಗೆಳೆಯರೆಲ್ಲ ತೀರ್ಮಾನ ಮಾಡಿದೆವು. ಅದೇ ಕಾರಣಕ್ಕೆ ರಷ್ಯನ್‌ ಹುಡುಗಿಯರಿಂದ ಮೊಬೈಲ್‌ ಸಂಖ್ಯೆಗಳನ್ನು ಸಂಗ್ರಹಿಸುತ್ತಿದ್ದೇವೆ’ ಎಂದು ಆಗಸ್ಟಿಯನ್‌ ಹೇಳಿದ್ದಾರೆ.
‘ಇಲ್ಲಿನ ಯುವತಿಯರೊಂದಿಗೆ ಸಂವಹನ ಮಾಡುವುದು ಕಷ್ಟ. ಕೆಲವೇ ಯುವತಿಯರು ಇಂಗ್ಲಿಷ್‌ ಅಥವಾ ಸ್ಪ್ಯಾನಿಷ್‌ ಭಾಷೆ ಮಾತನಾಡುತ್ತಾರೆ. ಇಷ್ಟೆಲ್ಲ ಇದ್ದರೂ ನಾಲ್ಕು ಯುವತಿಯ ರಿಂದ ನಾನು ಮೊಬೈಲ್‌
ಸಂಖ್ಯೆಗಳನ್ನು ಪಡೆಯಲು ಯಶಸ್ವಿಯಾಗಿದ್ದೇನೆ’ ಎಂದು ಅವರು ಸಂತಸವ್ಯಕ್ತಪಡಿಸುತ್ತಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.