ಭಾರತದಲ್ಲೇ ಐಫೋನ್‌ 16ಇ ಸರಣಿ ಜೋಡಣೆ: ಆ್ಯಪಲ್‌

ನವದೆಹಲಿ: ಭಾರತದಲ್ಲಿಯೇ 16ಇ ಸರಣಿಯ ಐಫೋನ್‌ಗಳ ಜೋಡಣೆ ಕಾರ್ಯ ನಡೆಯಲಿದೆ. ದೇಶೀಯವಾಗಿ ಮಾರಾಟ ಮಾಡುವುದು ಇದರ ಮೂಲ ಉದ್ದೇಶವಾಗಿದ್ದು, ವಿದೇಶಗಳಿಗೂ ರಫ್ತು ಮಾಡುವ ಗುರಿ ಹೊಂದಲಾಗಿದೆ ಎಂದು ಆ್ಯಪಲ್‌ ಕಂಪನಿ ಗುರುವಾರ ತಿಳಿಸಿದೆ

ಇದರ ಆರಂಭಿಕ ಬೆಲೆ ₹59,900 ಆಗಿದ್ದು, ಫೆಬ್ರುವರಿ 21ರಿಂದ ಮುಂಗಡ ಬುಕಿಂಗ್‌ ಆರಂಭವಾಗಲಿದೆ. ಫೆಬ್ರುವರಿ 28ರ ನಂತರ ಆ್ಯಪಲ್‌ನ ಮಳಿಗೆಗಳು ಮತ್ತು ಕಂಪನಿಯ ಅಧಿಕೃತ ಪಾಲುದಾರರ ಮಳಿಗೆಗಳಲ್ಲಿ ಗ್ರಾಹಕರಿಗೆ ದೊರೆಯಲಿದೆ ಎಂದು ತಿಳಿಸಿದೆ.

ಈ ಹೊಸ ಮಾದರಿಯ ಐಫೋನ್‌ ಎ18 ಚಿಪ್‌ ಹೊಂದಿದೆ. ಆ್ಯಪಲ್‌ ಇಂಟೆಲಿಜೆನ್ಸ್‌, 48 ಎಂಪಿ ಫ್ಯುಷನ್‌ ಕ್ಯಾಮೆರಾ, 2 ಪಟ್ಟು ಹೆಚ್ಚು ಸಾಮರ್ಥ್ಯ ಹೊಂದಿರುವ ಟೆಲಿಫೋಟೊ ಲೆನ್ಸ್‌ ಹೊಂದಿದೆ ಎಂದು ತಿಳಿಸಿದೆ.