ಮಕರ ಸಂಕ್ರಾಂತಿಯಲ್ಲಿ ರವಿ–ಕುಜ ಮಹಾಯೋಗ; ಈ ಆರು ರಾಶಿಗಳಿಗೆ ಆಸ್ತಿ ಭಾಗ್ಯ

2026ರ ಮಕರ ಸಂಕ್ರಾಂತಿ ವಿಶೇಷವಾಗಿದೆ. ಈ ದಿನ ಸೂರ್ಯನು ಮಕರ ರಾಶಿಗೆ ಪ್ರವೇಶಿಸುವಾಗಲೇ, ಮಂಗಳ ಗ್ರಹದೊಂದಿಗೆ ಯುತಿ ಹೊಂದುತ್ತಾನೆ. ಅದೇ ಸಮಯದಲ್ಲಿ ಮಂಗಳ ತನ್ನ ಪರಮೋಚ್ಚ ಸ್ಥಿತಿಯಲ್ಲಿರುತ್ತಾನೆ. ಸೂರ್ಯನು ರಾಜಕಾರಕ, ಮಂಗಳ ಹಾಗೂ ಭೂಮಿ ಆಸ್ತಿಕಾರಕ ಮತ್ತು ಮಕರ ರಾಶಿ ಸ್ಥಿರಾಸ್ಥಿಯ ಸಂಕೇತವಾಗಿರುವುದರಿಂದ ಈ ಸಂಯೋಗವು ಭೂಸಂಪತ್ತಿಗೆ ಸಂಬಂಧಿಸಿದ ಅತ್ಯಂತ ಅಪೂರ್ವ ಮಹಾಯೋಗವನ್ನು ರೂಪಿಸುತ್ತದೆ.

ಫಲದೀಪಿಕಾ ಗ್ರಂಥದಲ್ಲಿ ಹೇಳುವಂತೆ

‘ರವಿಣಾ ಸಹಿತೋ ಭೂಮಿಪುತ್ರಃ ಸ್ಥಿರಧನಪ್ರದಃ।’

ಸೂರ್ಯನ ಜೊತೆ ಮಂಗಳ ಇದ್ದಾಗ ಸ್ಥಿರವಾದ ಧನ – ಅಂದರೆ ಮನೆ, ಜಮೀನು, ಆಸ್ತಿ ದೊರೆಯುತ್ತದೆ.

ಈ ಯೋಗದಿಂದ ವೃಷಭ, ಕನ್ಯಾ, ಧನು, ಮಕರ, ಕುಂಭ ಮತ್ತು ಮೀನ ರಾಶಿಗಳಿಗೆ ವಿಶೇಷ ಫಲ ಸಿಗಲಿದೆ.

ವೃಷಭ ರಾಶಿ

ವೃಷಭ ರಾಶಿಯವರಿಗೆ ರವಿ–ಕುಜ ಯುತಿ ಭಾಗ್ಯಸ್ಥಾನವನ್ನು ಪ್ರಭಾವಿಸುತ್ತದೆ. ಇದರಿಂದ ಪಿತ್ರಾರ್ಜಿತ ಆಸ್ತಿ, ಕುಟುಂಬ ಭೂಮಿ ಹಾಗೂ ಮನೆ ಸಂಬಂಧಿತ ಸಮಸ್ಯೆಗಳು ನಿವಾರಣೆಯಾಗುತ್ತವೆ. ಬಹುಕಾಲ ನಿಂತಿದ್ದ ಜಮೀನು ವ್ಯವಹಾರಗಳು ಚಲನೆ ಪಡೆಯುತ್ತವೆ. ಮನೆ ಕಟ್ಟಲು ಅಥವಾ ಹೊಸ ಜಾಗ ಖರೀದಿಸಲು ಅವಕಾಶಗಳು ಸೃಷ್ಟಿಯಾಗುತ್ತವೆ.

ಬೃಹತ್ ಜಾತಕ ಗ್ರಂಥ ತಿಳಿಸುವಂತೆ

‘ಭಾಗ್ಯಸ್ಥೇ ಭೂಮಿಪುತ್ರೇ ರವಿಯುಕ್ತೇ ಸ್ಥಿರಾಸ್ಥಿಲಾಭಃ।’

ಕನ್ಯಾ ರಾಶಿ

ಕನ್ಯಾ ರಾಶಿಗೆ ಈ ಯೋಗ ಆಯುಷ್ಯ ಮತ್ತು ಆಸ್ತಿ ಭಾವಗಳನ್ನು ಬಲಪಡಿಸುತ್ತದೆ. ಬಹುಕಾಲದಿಂದ ನಿಂತಿದ್ದ ಮನೆ ಸಂಬಂಧಿತ ನ್ಯಾಯಾಂಗ ಅಥವಾ ದಾಖಲೆ ಸಮಸ್ಯೆಗಳು ಬಗೆಹರಿಯುತ್ತವೆ. ಸಾಲದ ಮೇಲೆ ತೆಗೆದುಕೊಂಡ ಭೂಮಿಯನ್ನು ಶಾಶ್ವತವಾಗಿ ನಿಮ್ಮದಾಗಿಸಿಕೊಳ್ಳುವ ಯೋಗ ಇದೆ. ವಂಶಪಾರಂಪರ್ಯ ಆಸ್ತಿ ನಿಮ್ಮ ಕಡೆಗೆ ತಿರುಗುವ ಸಾಧ್ಯತೆ ಹೆಚ್ಚು.

ಸರಾವಳಿ ಗ್ರಂಥ ತಿಳಿಸುವಂತೆ

‘ಕುಜಾರ್ಕಯೋಃ ಯೋಗೇ ವಂಶಪಾರಂಪರ್ಯಭೂಲಾಭಃ।’

ಧನು ರಾಶಿ

ಧನು ರಾಶಿಯವರಿಗೆ ಈ ರವಿ–ಕುಜ ಯೋಗ ಧನಸ್ಥಾನವನ್ನು ಶಕ್ತಿಶಾಲಿಯಾಗಿ ಮಾಡುತ್ತದೆ. ಇದು ಮನೆ ಖರೀದಿ, ಜಮೀನು ಮಾರಾಟದಿಂದ ದೊಡ್ಡ ಲಾಭ, ಹಾಗೂ ಬ್ಯಾಂಕ್ ಮೂಲಕ ಆಸ್ತಿ ಹೂಡಿಕೆಗೆ ಅದ್ಭುತ ಕಾಲ. ಭೂಮಿ ಮೂಲಕ ಹಣ ಬರುವ ಸೂಚನೆಗಳು ಸ್ಪಷ್ಟ.

ಫಲದೀಪಿಕಾ:

‘ಧನಸ್ಥೇ ರವಿಕುಜಯೋಃ ಭೂಸಂಪದ್ವೃದ್ಧಿಃ।’

ಮಕರ ರಾಶಿ

ಮಕರ ಲಗ್ನದಲ್ಲಿ ಈ ಮಹಾಯೋಗ ಉಂಟಾಗುವುದರಿಂದ ನಿಮ್ಮ ಜೀವನದಲ್ಲೇ ದೊಡ್ಡ ಸ್ಥಿರತೆ ಬರುತ್ತದೆ. ಮನೆ ಕಟ್ಟುವ ಕನಸು, ಸ್ವಂತ ಜಾಗ ಹೊಂದುವ ಆಸೆ, ವ್ಯಾಪಾರಿಕ ಭೂಮಿ ಖರೀದಿ, ಇವೆಲ್ಲವೂ ಈ ವರ್ಷ ಸಾಧ್ಯ. ರವಿ–ಕುಜ ಶಕ್ತಿ ನಿಮಗೆ ಅಧಿಕಾರ ಮತ್ತು ಭೂಮಿಯ ಮೇಲೆ ಹಿಡಿತ ಕೊಡುತ್ತದೆ.

ಪರಾಶರ ಗ್ರಂಥದಲ್ಲಿ ‘ಲಗ್ನೇ ರವಿಕುಜಯೋಗೇ ಭೂಮಿಪತ್ಯಂ ಲಭೇತ್।’ ಎಂದು ಹೇಳಲಾಗಿದೆ.

ಕುಂಭ ರಾಶಿ

ಕುಂಭ ರಾಶಿಯವರಿಗೆ ಈ ಯೋಗ ಗುಪ್ತವಾಗಿ ಕಾರ್ಯನಿರ್ವಹಿಸಿ ಅಕಸ್ಮಾತ್ ಆಸ್ತಿ ಲಾಭ ಕೊಡುತ್ತದೆ. ಬಿಟ್ಟುಹೋಗಿದ್ದ ಜಮೀನು, ಮರೆತುಹೋದ ಫ್ಲಾಟ್, ಕಾನೂನು ವಿವಾದದ ಆಸ್ತಿ ನಿಮ್ಮ ಕಡೆಗೆ ಬರಬಹುದು. ಭೂಮಿ ಮೂಲಕ ಅದೃಷ್ಟ ಉದಯವಾಗುತ್ತದೆ.

ಜಾತಕ ಪಾರಿಜಾತ ಗ್ರಂಥ ದಲ್ಲಿ ತಿಳಿಸಿದಂತೆ

‘ರಹಸ್ಯಸ್ಥೇ ಕುಜಾರ್ಕಯೋಃ ಗುಪ್ತಧನಭೂಲಾಭಃ।’

ಮೀನ ರಾಶಿ

ಮೀನ ರಾಶಿಯವರಿಗೆ ಈ ಯೋಗ ಲಾಭಸ್ಥಾನವನ್ನು ಬಲಪಡಿಸುತ್ತದೆ. ಭೂಮಿಯಿಂದ ಲಾಭ, ಮನೆ ಮಾರಾಟದಿಂದ ದೊಡ್ಡ ಮೊತ್ತ, ಅಥವಾ ರಿಯಲ್ ಎಸ್ಟೇಟ್ ಹೂಡಿಕೆ ಯಶಸ್ಸು – ಇವೆಲ್ಲವೂ ಸಂಭವಿಸುತ್ತದೆ. ಸ್ನೇಹಿತರ ಅಥವಾ ಸಂಪರ್ಕಗಳಿಂದ ಆಸ್ತಿ ಅವಕಾಶಗಳು ಬರುತ್ತವೆ.

ಫಲದೀಪಿಕಾ:

‘ಲಾಭಸ್ಥೇ ಭೌಮಸೂರ್ಯಯೋಃ ಭೂಸಂಪತ್ತಿವೃದ್ಧಿಃ।’

ಶಕ್ತಿಶಾಲಿ ವಿಶೇಷ ಪರಿಹಾರ – ರಾಜವರ್ಧನ ಮಣಿ

ಈ ರವಿ–ಕುಜ ಮಹಾಯೋಗದ ಸಂಪೂರ್ಣ ಶಕ್ತಿಯನ್ನು ಪಡೆಯಲು, ಅಮಾವಾಸ್ಯೆ ದಿನ ಸಹಸ್ರ ರವಿ ಶಾಂತಿ ಹೋಮದಲ್ಲಿ ಅಭಿಮಂತ್ರಿಸಿದ ‘ರಾಜವರ್ಧನ ಮಣಿ’ ಉಂಗುರ ಧರಿಸುವುದು ಅತ್ಯಂತ ಶ್ರೇಷ್ಠ ಪರಿಹಾರ. ಇದು ಭೂಮಿ, ಮನೆ, ಆಸ್ತಿ ಮತ್ತು ಸ್ಥಿರಧನಕ್ಕೆ ಸಂಬಂಧಿಸಿದ ಅಡೆತಡೆಗಳನ್ನು ನಿವಾರಿಸುತ್ತದೆ.