ಬಿಎಂಡಬ್ಲ್ಯು, ರೆನೊ ವಾಹನ ಬೆಲೆ ಹೆಚ್ಚಳ

ನವದೆಹಲಿ: ವಾಹನ ತಯಾರಿಕಾ ಕಂಪನಿ ಬಿಎಂಡಬ್ಯ್ಲು ಇಂಡಿಯಾ ಮತ್ತು ರೆನೊ ಇಂಡಿಯಾ ವಾಹನಗಳ ದರ ಹೆಚ್ಚಳಕ್ಕೆ ನಿರ್ಧರಿಸಿವೆ. ಏಪ್ರಿಲ್‌ನಿಂದ ಈ ಪರಿಷ್ಕೃತ ದರ ಜಾರಿಗೆ ಬರಲಿದೆ. 

ಬಿಎಂಡಬ್ಯ್ಲು ಕಾರುಗಳ ಬೆಲೆಯು ಶೇ 3ರ ವರೆಗೆ ಹೆಚ್ಚಳವಾಗಲಿದೆ. ರೆನೊ ಇಂಡಿಯಾ ತನ್ನ ಎಲ್ಲಾ ಮಾದರಿಯ ಕಾರುಗಳ ಬೆಲೆಯನ್ನು ಶೇ 2ರ ವರೆಗೆ ಏರಿಕೆ ಮಾಡಲಿದೆ.  

ತಯಾರಿಕಾ ಮತ್ತು ಕಾರ್ಯಾಚರಣೆ ವೆಚ್ಚವನ್ನು ಸರಿದೂಗಿಸಲು ದರ ಏರಿಕೆಯು ಅನಿವಾರ್ಯವಾಗಿದೆ ಎಂದು ಕಂಪನಿಗಳು ತಿಳಿಸಿವೆ.