ಜಪಾನ್‌ನಲ್ಲಿ ಸ್ವಿಫ್ಟ್‌ ತಯಾರಿಕೆ ಅಮಾನತು

ಟೋಕಿಯೊ: ಚೀನಾ ದೇಶವು ಕೆಲವು ಲೋಹಗಳ ಆಕ್ಸೈಡುಗಳ (ರೇರ್ ಅರ್ಥ್ಸ್‌) ಪೂರೈಕೆ ಮೇಲೆ ನಿರ್ಬಂಧ ಹೇರಿರುವುದರ ಕಾರಣಕ್ಕೆ ಸುಜುಕಿ ಮೋಟರ್ ಕಂಪನಿಯು ‘ಸ್ವಿಫ್ಟ್‌’ ಕಾರುಗಳ ತಯಾರಿಕೆಯನ್ನು ಅಮಾನತಿನಲ್ಲಿ ಇರಿಸಿದೆ ಎಂದು ಮೂಲಗಳು ಹೇಳಿವೆ.

ಸುಜುಕಿ ಕಂಪನಿಯು ‘ಸ್ವಿಫ್ಟ್‌ ಸ್ಪೋರ್ಟ್’ ಆವೃತ್ತಿಯನ್ನು ಹೊರತುಪ‍ಡಿಸಿ ಬೇರೆಲ್ಲ ಆವೃತ್ತಿಗಳ ತಯಾರಿಕೆಯನ್ನು ಮೇ 26ರಿಂದ ಅಮಾನತಿನಲ್ಲಿ ಇರಿಸಿದೆ.

ಜೂನ್‌ 13ರಿಂದ ತಯಾರಿಕೆಯನ್ನು ಭಾಗಶಃ ಪುನರಾರಂಭಿಸುವ ಹಾಗೂ ಜೂನ್‌ 16ರಿಂದ ಪೂರ್ತಿಯಾಗಿ ಪುನರಾರಂಭಿಸುವ ಆಲೋಚನೆಯನ್ನು ಸುಜುಕಿ ಕಂಪನಿ ಈಗ ಹೊಂದಿದೆ.