ಸ್ಟಾರ್‌ಬಕ್ಸ್ ಸಿಇಒ ಆಗಿ ಭಾರತ ಮೂಲದ ಲಕ್ಷ್ಮಣ್ ನರಸಿಂಹನ್ ನೇಮಕ
ಟಾಟಾ ಸಮೂಹದ ಜಂಟಿ ಕಾರ್ಯಾಚರಣೆ ಹೊಂದಿರುವ ಸ್ಟಾರ್‌ಬಕ್ಸ್
Published 2 ಸೆಪ್ಟೆಂಬರ್ 2022, 11:07 IST
ಬೆಂಗಳೂರು: ಅಮೆರಿಕ ಮೂಲದ ಬಹುರಾಷ್ಟ್ರೀಯ ಕಂಪನಿ ಸ್ಟಾರ್‌ಬಕ್ಸ್, ನೂತನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಆಗಿ ಭಾರತ ಮೂಲದ ಲಕ್ಷ್ಮಣ್ ನರಸಿಂಹನ್ ಅವರನ್ನು ನೇಮಿಸಿದೆ.
ಜಾಗತಿಕವಾಗಿ ಸ್ಟಾರ್‌ಬಕ್ಸ್ 35,000 ಮಳಿಗೆಗಳು ಮತ್ತು 3,83,000 ಉದ್ಯೋಗಿಗಳನ್ನು ಹೊಂದಿದೆ.
ಪುಣೆಯಲ್ಲಿ ಜನಿಸಿದ ನರಸಿಂಹನ್ ಅವರು, ಉನ್ನತ ವ್ಯಾಸಂಗಕ್ಕಾಗಿ 1991ರಲ್ಲಿ ಅಮೆರಿಕಾಗೆ ತೆರಳಿದ್ದರು. ಬಳಿಕ ಮೆಕೆನ್ಸಿ ಆ್ಯಂಡ್ ಕೊ. ಸಂಸ್ಥೆಯಲ್ಲಿ ಹಿರಿಯ ಪಾಲುದಾರರಾಗಿ, 2012ರಲ್ಲಿ ಪೆಪ್ಸಿಕೊ ಸಂಸ್ಥೆಯಲ್ಲಿ ಉನ್ನತ ಹುದ್ದೆಯಲ್ಲಿ ಕಾರ್ಯನಿರ್ವಹಿಸಿದ್ದರು.
ನಂತರ ರೆಕಿಟ್ ಸಂಸ್ಥೆಯ ಸಿಇಒ ಆಗಿ ಕಾರ್ಯನಿರ್ವಹಿಸುತ್ತಿದ್ದ ನರಸಿಂಹನ್ ಅವರು ಮುಂದೆ ಸ್ಟಾರ್‌ಬಕ್ಸ್ ಸಿಇಒ ಆಗಿ ನೇಮಕವಾಗಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.