ತೆಳುವಾದ ವಾಚ್ ಬಿಡುಗಡೆ ಮಾಡಿದ ಟೈಟನ್

ಬೆಂಗಳೂರು: ಟಾಟಾ ಸಮೂಹಕ್ಕೆ ಸೇರಿದ ಟೈಟನ್ ಕಂಪನಿಯು ‘ಟೈಟನ್ ಎಜ್‌ ಅಲ್ಟ್ರಾ ಸ್ಲಿಮ್’ ವಾಚ್‌ಅನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದ್ದು, ಇದು ವಿಶ್ವದ ಅತ್ಯಂತ ತೆಳುವಾದ ಅನಲಾಗ್‌ ವಾಚ್‌ಗಳಲ್ಲಿ ಒಂದಾಗಿದೆ ಎಂದು ತಿಳಿಸಿದೆ.

ಈ ವಾಚ್‌ ಕೇವಲ 3.3 ಮಿ.ಮೀ ದಪ್ಪವಿದೆ ಎಂದು ಪ್ರಕಟಣೆ ತಿಳಿಸಿದೆ. ಜಿಮ್‌ಸನ್ ವಾಚಸ್ ಸಹಯೋಗದಲ್ಲಿ ಈ ವಾಚ್ ಅನ್ನು ಅನಾವರಣಗೊಳಿಸಲಾಗಿದೆ.

‘ಎಜ್‌ ಸರಣಿಯ ಉತ್ತಮ ಉತ್ಪನ್ನ ಇದೀಗ ಬಿಡುಗಡೆಯಾಗಿದೆ. ಉತ್ಕೃಷ್ಟ ವಿನ್ಯಾಸ, ಅಪೂರ್ವ ನಿಖರತೆ ಮತ್ತು ಮಿನಿಮಲಿಸಂನ ಸಮ್ಮಿಶ್ರಣದಂತೆ ಈ ವಾಚು ಮೂಡಿಬಂದಿದೆ’ ಎಂದು ಟೈಟನ್ ಕಂಪನಿಯ ಹಿರಿಯ ಅಧಿಕಾರಿ ರಾಹುಲ್ ಪಾಂಡೆ ಹೇಳಿದ್ದಾರೆ.